MATHAIIN 7
7
Mi Ruirilna Chong
(Lk 6.37-38,41-42)
1“Mi rui ril u no ro na rui ei anril u nokna rang, 2Mi rui nei ril anga han na rui ril unti, nei maina taka anmaiin na ti. #Mk 4.24 3Na parualpa mita ranok na muna na theia na mita thing her mandon u mak che na. 4Hanle nangin hontinmo na parualpa ha, ‘Hong ro na mit ranok na pei pe rong nei ti,’ na ninga na mita thing her ei la om. 5O phuazekam! Na mita thing her pei bak ro hanke na parual mita ranok nei rasuana rang anthiang vanga nei mu rang. 6Neinun anthiang ui ngai pe u no ro hatuka na vok u ngai matona rochon pe u no ro a ke le eia thin u rang keng hatuka anhoi bapa na pet u ni.
Zonga, Aroka, Atok Uro
(Lk 11.9-13)
7“Zong u ro man un na ti, arok u ro tok un na ti, atok u ro nangni rang anlong inti. 8Asik chu azong takin aman hatuka anrok takin atok, antok takin a rang anlong inti. 9Nangni bila a naipasalin vaipol a zong le lung apek a om mo? 10Hanuk nga zong le marul apek mo? 11Hantin aniten na siat u na lua na nai u ngai rang a sasa neinun apek na riat u, haneka atama na Pa u vana min a kom azong ngai ha a sasa pe nget inti.
12“Min imo na ranga ei tho nei zot ha hava anga nang nim mi rang tho u ro. Asik chu hava ha Dan le deari chong arilphum. #Lk 6.31
Lampui Anep
(Lk 13.24)
13“Makot anchipa lut u ro asik chu siatna tianga sena makot alian alamum anzar hava han mi alut ual. 14Asik chu damna makot anchip a lampui ase nam antak, aman um atom te.
Thing le Amara
(Lk 6.43-44)
15“Deari rathol ata anreng u ro hangai ha bera anga na kom u na a hong tenchu a sunga ngelang anga anvola asak rang ang keng. 16Amara han re thei un na ti. Min raling kunga gerep mara, raisok raling kung ata theichang mo a kham ngai? 17Hantin han akung asa ten amara sa anra tenchu a kung asiat ten amara siat anra. 18Akung asana mara siat anra thei mak akung asiata mara sa anra thei mak. 19Mara sa anra lui kung chu atuka moia anpei. #Mt 3.10; Lk 3.9 20Hantin han amara na mandang thei un na ti. #Mt 12.33
Na Remaking
(Lk 13.25-27)
21“ ‘Puma, Puma,’ ana ti dora vanram lut inti tina nimak. Tenchu ka Pa vana mi ei zot atho ngai rong ke alut rang. 22Hatikhan, ‘Puma, Puma’ atia na raminga de se mak me mo na raminga kachai not mak me mo, na raminga sin alian tho mak me mo na ti u na ti! 23Hatikhan anthiang vanga na ti u ka ti, ‘Na re u lai making. O anzik lui ngai ka kom ata ankhai u ro!’ #Sam 6.8
In Asin Anni
(Lk 6.47-49)
24“Hantin han ka chong ngai azi tak chu ama ha ahian khat antin ti lung chunga a in asin ang ni inti. 25Rua ahonga ti aliana thinthin a sema ha in ha chiam mak asik chu lung chunga ei anphun sika. 26“Ka chong ngai ariata mang lui tak chu amo khat ang ni inti bali chunga in asin ang ni inti. 27Nuka rua honga tiliana thinthi honga in a sema achiam zita ase ei siat mar ana sabak!”
Isua Racham Neina
28Isuan hiva chong ngai aril suale mi ngai ha chong rila han anlai u. #Mk 1.22; Lk 4.32 29Asik chu minchu ngai ang ni luia ningneina khit anei anga ei manchu sika.
Currently Selected:
MATHAIIN 7: RANGBSI
Označeno
Share
Copy
Want to have your highlights saved across all your devices? Sign up or sign in
Ranglong NT with PSA - Dankit Athar Le SAM
Copyright © 2017 by The Bible Society of India
Used by permission. All rights reserved worldwide.