MATHAIIN 16
16
Boidong Sin Azong U
(Mk 8.11-13; Lk 12.54-56)
1Hanuk Pharisi le Saduki a kom ahonga ansinna anga a mathem u, “Anvan ata andangna khat pei na manmu ro,” ati u. #Mt 12.38; Lk 11.16 2Tenchu a masanga ati pe, “Ani lut le nei ti u, ‘Nikhua hui inti asik chu anvan asen.’ 3Hatuka zing tiang nei ti u, ‘Avian rua hong inti asik chu anvan asen ansum atam.’ Nangnin anvan andangna na riat u tenchu hun andangna ngai re u mak che. 4Hiva huna salui uiare mi ngai andangna arok u, tenchu Jona andangna baka chu hanuk ite andangna hangai ha anpe thei no ni,” ati.Hanke aman hangai ha amaka ase. #Mt 12.39; Lk 11.29
Pharisi le Saduki ngai Chol
(Mk 8.14-21)
5Zolai ngaiin ava ral tiang asena vaipol achoi a mangil u na. 6Isuan hangai ha, “Anrung u ro Pharisi le Saduki ngai chol ata anreng u ro,” ati. #Lk 12.1
7Hava ha amani le amani ankhal u na, “Vaipol nei hong koi nok hi,” anti u. 8Hava ariata Isuan, “O iamna bui ngai vaipol abui atina ichangmo nei ankhal u? 9Atun um la re u mak che mo? Na malung ngala chui u mak mo? Ha asang ranga sak vaipol ranga kok itukmo nei rut u ha. #Mt 14.17-21 10Hatuka ha asang manli han vaipol sari hanuk kok itukmo nei ruta nei choi u? atia. #Mt 15.34-38 11Ichangamo nei riat u nok nangni ranga vaipol ruia na ti u making tenchu nangni ha Pharisi le Saduki chol ata anreng u ro kei ti!” atia.
12Hanke amanin ei riat u vaipola chol nimak tenchu Pharisi le Saduki ngai manchu ata anrung rang chong ke ei ril.
Isua ha Krista Pathian Sapa Pitorin ati
(Mk 8.27-30; Lk 9.18-21)
13Hanuk Isua Kaisari Philipi khua asena a zolai ngai ha a rakela, “Miring Sapa hi tumo? 14Hiva ruia min imo ati?” Amanin, “Senkhatin nang hi Eliza, senkhatin Jeremia senkhatin deari khat ha ni inti,” ati u. #Mt 14.1-2; Mk 6.14-15; Lk 9.7-8 15Aman hangai ha, “Tumo ka ni nangnin imo nana ti u?” ati. 16Simon Pitorin a masanga, “Nang hi Krista Pathian adam Sapa na ni” ati na. Isuan ama ha a masanga, #Jn 6.68-69
17“O Jona a sapa Simon na chanasa, asik chu taksa le thisenin nang na kom hava ha ei manlang nimak tenchu ka Pa vana mi ke anlang. 18Hatuka koi um kei na ti ani zei, Nang hi Pitor, hi lung chunga ka kuibing phun ka ti hatuka thina rakul makot ngalin mator no ni. 19Vanram chabi ngai na pe ka ti hatuka hi phil chunga nei khar tak ha vana ankhar inti hatuka phil chunga nei malong tak chu vana anlong inti,” ati. #Mt 18.18; Jn 20.23
20Hanke a zolai ngai rang ha chong apeka, Krista ei ni tute ei ril u nok ranga.
Isuan ei Thina rang Rui Aril
(Mk 8.31—9.1; Lk 9.22-27)
21Hava len ata chu Isuan a zolai ngai ha anthiang vanga ei ril ani zei, “Jerusalema ase nang, hatuka ulian ngai, chaizung ngai le minchu ngai ata achan antak hong inti hatuka thin ti hanuk nin thuma anthui ret inti,” ati.
22Hava han Pitorin ama ha akom atuanga chunngo athona ei ti, “Puma hava ha na kom ata ankhai rase na chunga ni thak thei no ni.”
23Tenchu ama anhoia, “Pitor ka kom ata ankhai ro soitan! Nang hi ana lua asik chu Pathian ata nimak tenchu miring ata ke nei mandon.” ati na.
24Hanke Isuan a zolai ngai ha ei ti pe, “Ka nuk azi zot tak chu atheia anpoisak no rase a kros raputa ka nuk zi rase. #Mt 10.38; Lk 14.27 25Asik chu anuk rung rong ati tak chu machan inti hatuka ka sika anuk anchan tak chu aman hava man inti. #Mt 10.39; Lk 17.33; Jn 12.25 26Hanle min ramual dora a mana anuk amachanin ama rang imo ei anlokna hanuk min anuk rathula imo pe ni? 27Asik chu Miring Sapa a vanpalai ngai le A Pa lianna le hong intia hatuka havan mitin ha a sintho anga amara pe inti. #Mt 25.31; Sam 62.12; Rom 2.6 28Ataka kei na ti ni u zei, hivana andinga om ngai hi hava bila hohomo chu thina marim la pial lui rang a om Miring Sapa a rama ei hong amu man chu.”
Currently Selected:
MATHAIIN 16: RANGBSI
Označeno
Share
Copy
Want to have your highlights saved across all your devices? Sign up or sign in
Ranglong NT with PSA - Dankit Athar Le SAM
Copyright © 2017 by The Bible Society of India
Used by permission. All rights reserved worldwide.