གོ༌ཟུག༌ 15
15
ཡ༌ཝ༌ དཀོན༌མཆོག༌གི༌ ཨབ༌རམ༌ ཉམ༌པོ༌ ཆད༌དོན༌ ཛདས༌།
15:1-21
1ཏེ༌སྟིང༌ནེ༌ ཞལ༌ཟིགས༌ཤིག༌གི༌ ནང༌ང༌ ཨབ༌རམ༌མ༌ ཡ༌ཝའེ༌ མོལས༌, “ཨབ༌རམ༌ ཇིགས༌ མ༌ཇིགས༌, ངའེ༌ ཁྱོ༌རང༌ སྐྱོབས༌ཏེ༌ བོར༌ཨིན༌, ཁྱོ༌རང༌ང༌ སོལ༌རས༌ ཆེན༌མོ༌ཞིག༌ ཐོབ༌ཨིན༌།”
2ཨིན༌ནའང༌ ཨབ༌རམ༌མི༌ ལན༌ཏངས༌, “ཡ༌ཝ༌, ངའེ༌ གཙོ༌བོ༌, ཉེ༌རང༌ངི༌ སོལ༌རས༌པོའེ༌ ངའ༌ ཅི༌ ཕན༌ཐོགས༌ ཨིན༌? ང༌ ཕྲུ༌གུ༌ མེད༌པ༌, དཱ༌མེས༌ཀས༌སི༌ ཨེ༌ལི༌འ༌ཟར༌ལ༌ ངའེ༌ ནོར༌སྐལ༌ ཚང༌མ༌ ཐོབ༌བ༌ནོག༌། 3ཉེ༌རང༌ངི༌ ངའ༌ ཕྲུ༌གུ༌ མ༌སལ༌ པ༌སང༌ ངའེ༌ ཡོག༌པོ༌ ཅིག༌ཅིག༌ ངའེ༌ ནོར༌སྐལ༌ ལེན༌ཁན༌བོ༌ གྱུར༌ཨིན༌།”
4ཏེ༌ནེ༌ ཁོའ༌ ཡ༌ཝའེ༌ ཡང༌སྐྱར༌ མོལ༌ཨིན༌ ཚོར༌, “མན༌, ཁྱོ༌རང༌ངི༌ ཡོག༌པོ༌ ཁྱོ༌རང༌ངི༌ ནོར༌སྐལ༌ ལེན༌ཁན༌བོ༌ མི༌གྱུར༌། ཨིན༌ནའང༌ ཁྱོ༌རང༌ རང༌ངི༌ བུ༌ཚ༌ ཁྱོ༌རང༌ངི༌ ནོར༌སྐལ༌ ལེན༌ཁན༌བོ༌ གྱུར༌ཨིན༌།” 5ཡ༌ཝའེ༌ ཨབ༌རམ༌ ཀུར༌རི༌ ནང༌ནེ༌ ཕི༌ལོག༌ག༌ ཁྱོངས༌ཏེ༌ མོལས༌, “ནམ༌ཁའ༌ ལྟོས༌སའང༌, ཁྱོ༌རང༌ང༌ སྐར༌མ༌གུན༌ རྩི༌ཉན༌ཅེས༌ རག༌ག༌? ཏེ༌ སྐར༌མ༌ ཙོགས༌ མང༌པོ༌ ཁྱོ༌རང༌ངི༌ པུར༌གྱུད༌གུན༌ གྱུར༌ཨིན༌།”
6ཨབ༌རམ༌མི༌ ཡ༌ཝའེ༌ཀ༌ ཨིད༌ཤེས༌ ཅོས༌ པ༌སང༌ ཡ༌ཝའེ༌ ཁོའ༌ ཀྲང༌པོ༌ མི༌ཞིག༌ ཐེའ༌ ཛདས༌།
7ཡ༌ཝའེ༌ ཁོའ༌ ཡང༌ མོལས༌, “ཁྱོ༌རང༌ང༌ འི༌ ས༌ཀྱད༌པོ༌ ཏང༌ཅེས༌ལ༌ བ༌བེ༌ལོན༌ནི༌ ནང༌ང༌ ཡོད༌ཁན༌ནི༌ ཨུར༌ནེ༌ ཕིངས༌ཏེ༌ ཁྱོང༌ཁན༌, ང༌ ཡ༌ཝ༌ དཀོན༌མཆོག༌ ཨིན༌།”
8ཨིན༌ནའང༌ ཨབ༌རམ༌མི༌ ཟེརས༌, “ཡ༌ཝ༌, ངའེ༌ གཙོ༌བོ༌, འི༌ ས༌ཀྱད༌པོ༌ ངའེ༌ གྱུར༌ཨིན༌ ཟེར༌ཏེ༌ ངའ༌ ཀ༌ཟུག༌གི༌ གྱུས༌ཆེན༌?”
9ཡ༌ཝའེ༌ ཁོའ༌ མོལས༌, “ངའ༌ ལོ༌ སུམ༌ ཆའ༌ཁན༌ནི༌ བ༌ལང༌, ར༌མ༌ དང༌, ལུག༌ཕོ༌ ཡང༌ ཐི༌བ༌ ཟེར༌ཁན༌ནི༌ ཅ༌ དང༌ ཕུར༌གོན༌ནི༌ ཕྲུ༌གུ༌ཞིག༌ ཁྱོང༌།”
10ཨབ༌རམ༌མི༌ ཡ༌ཝའ༌ མོལ༌ཁན༌ནི༌ སེམས༌ཅན༌གུན༌ ཁྱོངས༌ཏེ༌, ཏེ༌གུན༌ནི༌ ཟུགས༌པོ༌ ཁག༌ཉིས༌སི༌ ནང༌ང༌ ཅད༌ཏེ༌ གྲལ༌ ཉིས༌སི༌ ནང༌ང༌ རིགས༌ཏེ༌ བོརས༌, ཨིན༌ནའང༌ ཅ༌གུན༌ ཁག༌ཉིས༌སི༌ ནང༌ང༌ མ༌ཅདས༌། 11ཤ༌ ཟའ༌ཁན༌ནི༌ ཅ༌གུན༌ སད༌ཁན༌ནི༌ རོ༌གུན༌ནི༌ཀ༌ བབས༌ཏེ༌ ཡོངས༌, ཨིན༌ནའང༌ ཨབ༌རམ༌མི༌ ཏེ༌གུན༌ལ༌ སྲོགས༌ཏེ༌ ཆ༌ཅུགས༌།
12ཉི༌མ༌ སྐྱོད༌ཨིན༌ ཡོད༌ ཟ༌ནེ༌ ཨབ༌རམ༌མ༌ མའ༌ ཉིད༌ སྲན༌ཏྲེ༌ ཡོངས༌ ཡང༌ ཁོའེ༌ སེམས༌པོ༌ ཇིགས༌ནང༌ངི༌ གངས༌པ༌ ཁོ༌ དྲོགས༌། 13ཏེ༌ནེ༌ ཡ༌ཝའེ༌ མོལས༌, “འི༌བོ༌ ཏན༌ཏན༌ ཨིན༌, ཁྱོ༌རང༌ངི༌ པུར༌གྱུད༌གུན༌ ཞན༌མའེ༌ ཡུལ༌ལི༌ ནང༌ང༌ མ༌ཤེས༌ཁན༌ནི༌ མི༌ ཚུལ༌ལ༌ དུག༌ཨིན༌། ཡང༌ ཏེ༌རུ༌ ཚེ༌ཡོག༌ གྱུར༌ཏེ༌ ལོ༌ ཞིབ༌གྱ༌ ཁོང༌གུན༌ལ༌ མ༌སྲན༌ཏྲེ༌ ནགས༌ སྟན༌ཨིན༌། 14ཨིན༌ནའང༌ ངའེ༌ ཁོང༌གུན༌ ཚེ༌ཡོག༌ག༌ ལུས༌ཁན༌ནི༌ ཏེ༌ གྱལ༌ཁམས༌བོའ༌ ཆད༌པ༌ ཏང༌ཨིན༌, ཡང༌ ཏེ༌བོའེ༌ སྟིང༌ནེ༌ ཁོང༌གུན༌ ཏེ༌ གྱལ༌ཁབ༌ནེ༌ གྱུ༌ནོར༌ མང༌པོ༌ ཉམ༌པོ༌ བིངས༌ཏེ༌ ཡོང༌ཨིན༌། 15ཁྱོ༌རང༌ངི༌ སྐོར༌ལ༌ ཟེར༌ན༌, ཁྱོ༌རང༌ ལོ༌ མང༌པོ༌ སོན༌ཏེ༌ ལུས༌ཏེ༌ ཞི༌དེ༌ ཉམ༌པོ༌ ཤི༌ཨིན༌། 16ཁྱོ༌རང༌ངི༌ པུར༌གྱུད༌གུན༌ མི༌རབས༌ ཞི༌པའེ༌ སྟིང༌ནེ༌ འིན༌ན༌ ནས༌སའེ༌ ནང༌ང༌ ལོགས༌ཏེ༌ ཡོང༌ཨིན༌, ཅིའ༌ཟེར༌ན༌ ཨ༌མོར༌པ༌གུན༌ནི༌ སྡིག༌པའེ༌ ལས༌གུན༌, མེད༌ཁན༌ ཅོ༌གོ༌ཤེས༌སི༌ ཚད༌ ཚག༌པ༌ ཏ༌རུང༌ མ༌ལེབ༌བ༌ ཨིན༌ནོག༌།”
17ཉི༌མ༌ སྐྱོད༌ ཚར༌ཏེ༌ མུན༌གྲིག༌ སོང༌ཏེ༌ སྟིང༌ནེ༌ ཨབ༌རམ༌མ༌ ཏུད༌པ༌ བིང༌ཁན༌ནི༌ ཟ༌མ༌ཞིག༌ དང༌ མེའེ༌ པམ༌བར༌ཞིག༌ ཏེ༌ སེམས༌ཅན༌ནི༌ རོ༌ ཁག༌ཉིས༌ པུད༌ཁན༌གུན༌ནི༌ པར༌པོ༌ནེ༌ སྐྱོད༌ད༌ ཐོང༌། 18ཏེན༌ན༌ ཞག༌ག༌ ཡ༌ཝའེ༌ ཨབ༌རམ༌ ཉམ༌པོ༌ ཆད༌དོན༌ཞིག༌ ཅོའ༌ ཛདས༌ཏེ༌ མོལས༌, “ངའེ༌ ཁྱོ༌རང༌ངི༌ པུར༌གྱུད༌གུན༌ལ༌ ཨི༌ཇིབ༌བི༌ ལྩངས༌པོ༌ནེ༌ ཡུཕ༌རེ༌ཀྲས༌སི༌ ལྩངས༌པོ༌ ཆེན༌མོ༌ ཚག༌པའེ༌ ས༌ཀྱད༌པོ༌ ཏང༌ངད༌, 19ཀ༌གུན༌ ཀེན༌པའེ༌, ཀེ༌ནས༌པའེ༌, ཀད༌མོན༌པའེ༌, 20ཧེད༌པའེ༌, པེ༌རིཟ༌པའེ༌, རེ༌ཕ༌པའེ༌, 21ཨ༌མོར༌པའེ༌, ཀེ༌ནན༌པའེ༌, གིར༌གཤ༌པའེ༌ དང༌ ཡེ༌བས༌པའེ༌ ས༌ཀྱད༌གུན༌ ཨིན༌ནོག༌།”
Currently Selected:
གོ༌ཟུག༌ 15: lbj
Označeno
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. All rights reserved.