Popular Bible Verses from གོ༌ཟུག༌ 15

ཨབ༌རམ༌མི༌ ཡ༌ཝའེ༌ཀ༌ ཨིད༌ཤེས༌ ཅོས༌ པ༌སང༌ ཡ༌ཝའེ༌ ཁོའ༌ ཀྲང༌པོ༌ མི༌ཞིག༌ ཐེའ༌ ཛདས༌།

ཏེ༌སྟིང༌ནེ༌ ཞལ༌ཟིགས༌ཤིག༌གི༌ ནང༌ང༌ ཨབ༌རམ༌མ༌ ཡ༌ཝའེ༌ མོལས༌, “ཨབ༌རམ༌ ཇིགས༌ མ༌ཇིགས༌, ངའེ༌ ཁྱོ༌རང༌ སྐྱོབས༌ཏེ༌ བོར༌ཨིན༌, ཁྱོ༌རང༌ང༌ སོལ༌རས༌ ཆེན༌མོ༌ཞིག༌ ཐོབ༌ཨིན༌།”

ཡ༌ཝའེ༌ ཨབ༌རམ༌ ཀུར༌རི༌ ནང༌ནེ༌ ཕི༌ལོག༌ག༌ ཁྱོངས༌ཏེ༌ མོལས༌, “ནམ༌ཁའ༌ ལྟོས༌སའང༌, ཁྱོ༌རང༌ང༌ སྐར༌མ༌གུན༌ རྩི༌ཉན༌ཅེས༌ རག༌ག༌? ཏེ༌ སྐར༌མ༌ ཙོགས༌ མང༌པོ༌ ཁྱོ༌རང༌ངི༌ པུར༌གྱུད༌གུན༌ གྱུར༌ཨིན༌།”

ཏེ༌ནེ༌ ཁོའ༌ ཡ༌ཝའེ༌ ཡང༌སྐྱར༌ མོལ༌ཨིན༌ ཚོར༌, “མན༌, ཁྱོ༌རང༌ངི༌ ཡོག༌པོ༌ ཁྱོ༌རང༌ངི༌ ནོར༌སྐལ༌ ལེན༌ཁན༌བོ༌ མི༌གྱུར༌། ཨིན༌ནའང༌ ཁྱོ༌རང༌ རང༌ངི༌ བུ༌ཚ༌ ཁྱོ༌རང༌ངི༌ ནོར༌སྐལ༌ ལེན༌ཁན༌བོ༌ གྱུར༌ཨིན༌།”

ཏེ༌ནེ༌ ཡ༌ཝའེ༌ མོལས༌, “འི༌བོ༌ ཏན༌ཏན༌ ཨིན༌, ཁྱོ༌རང༌ངི༌ པུར༌གྱུད༌གུན༌ ཞན༌མའེ༌ ཡུལ༌ལི༌ ནང༌ང༌ མ༌ཤེས༌ཁན༌ནི༌ མི༌ ཚུལ༌ལ༌ དུག༌ཨིན༌། ཡང༌ ཏེ༌རུ༌ ཚེ༌ཡོག༌ གྱུར༌ཏེ༌ ལོ༌ ཞིབ༌གྱ༌ ཁོང༌གུན༌ལ༌ མ༌སྲན༌ཏྲེ༌ ནགས༌ སྟན༌ཨིན༌།

ཨིན༌ནའང༌ ཨབ༌རམ༌མི༌ ལན༌ཏངས༌, “ཡ༌ཝ༌, ངའེ༌ གཙོ༌བོ༌, ཉེ༌རང༌ངི༌ སོལ༌རས༌པོའེ༌ ངའ༌ ཅི༌ ཕན༌ཐོགས༌ ཨིན༌? ང༌ ཕྲུ༌གུ༌ མེད༌པ༌, དཱ༌མེས༌ཀས༌སི༌ ཨེ༌ལི༌འ༌ཟར༌ལ༌ ངའེ༌ ནོར༌སྐལ༌ ཚང༌མ༌ ཐོབ༌བ༌ནོག༌།

ཏེན༌ན༌ ཞག༌ག༌ ཡ༌ཝའེ༌ ཨབ༌རམ༌ ཉམ༌པོ༌ ཆད༌དོན༌ཞིག༌ ཅོའ༌ ཛདས༌ཏེ༌ མོལས༌, “ངའེ༌ ཁྱོ༌རང༌ངི༌ པུར༌གྱུད༌གུན༌ལ༌ ཨི༌ཇིབ༌བི༌ ལྩངས༌པོ༌ནེ༌ ཡུཕ༌རེ༌ཀྲས༌སི༌ ལྩངས༌པོ༌ ཆེན༌མོ༌ ཚག༌པའེ༌ ས༌ཀྱད༌པོ༌ ཏང༌ངད༌

ཁྱོ༌རང༌ངི༌ པུར༌གྱུད༌གུན༌ མི༌རབས༌ ཞི༌པའེ༌ སྟིང༌ནེ༌ འིན༌ན༌ ནས༌སའེ༌ ནང༌ང༌ ལོགས༌ཏེ༌ ཡོང༌ཨིན༌, ཅིའ༌ཟེར༌ན༌ ཨ༌མོར༌པ༌གུན༌ནི༌ སྡིག༌པའེ༌ ལས༌གུན༌, མེད༌ཁན༌ ཅོ༌གོ༌ཤེས༌སི༌ ཚད༌ ཚག༌པ༌ ཏ༌རུང༌ མ༌ལེབ༌བ༌ ཨིན༌ནོག༌།”