SOERA MOZE I. FAZA 10.
FAZA 10.
I. Ngaʼõtõ Jafeti. II. Ngaʼõtõ Chamo. III. Ngaʼõtõ Zemi.
1I. Daʼe ngaʼõtõ nono Noachi andrõ, Semi ba Chamo ba Jafeti; toemboetoemboe chõra ndraono, me no aefa wa atoea danõ andrõ fõna. 2Daʼe nono Jafeti andrõ: Gomeri ba Magogi ba Madai ba Jawano ba Toebalo ba Mesechi ba Tirasi. (Ngaʼõt. I. 1, 5). 3Ba ono Gomeri, ba Asekena ba Rifati ba Togarima. 4Ba ono Jawano, ba Elisa ba Tarisi ba mado Chiti andrõ ba mado Rodani. 5Ba daʼõ fabali zi so ba hoelõ andrõ, niha baero. Daʼõ nono Jafeti andrõ, fasamboea danõra, ba fasamboea lira, fasamboea madora, fasamboea soi.
6II. Ba ono Chamo, ba Koesi, ba Miseraji ba Foeto ba Kanaʼana. (Ngaʼõt. I. 1, 8). 7Ba ono Goesi, ba Seba ba Hewila ba Sabata ba Raʼema ba Sabitecha; ba ono Raʼema, ba Secheba ba Dedano. 8Ba ono Goesi na Nimerodi; ba ibõrõtaigõ sabõlõ daʼõ ba goeli danõ. 9Sabõlõ ba wealoe ia, tánõ fõna Jehowa; andrõ wa law̃aʼõw̃aʼõ: ”Sabõlõ ba wealoe, tánõ fõna Jehowa, si mane Nimerodi.” 10Bõrõta gamatõrõw̃ania Mbabeli andrõ ba Erechi ba Akadi ba Kalene, ba danõ Zineara. 11Ba daʼõ iʼotarai wanaw̃a tanõ Asoeri, ba itaroeʼõ Niniwe andrõ ba Rehoboti-Iri ba Kala, 12ba Reseni andrõ ba gotaloeara Niniwe Gala — daʼõ mbanoea seboea andrõ. 13Ba ngaʼõtõ Miseraji andrõ, ba mado Loedi ba mado Ganami ba mado Lehabi ba mado Nafetoehi, 14ba mado Wateroezi ba mado Gaseloehi (bõrõta Ndrawa Wilisiti andrõ) ba mado Gafetori. 15Ba ono Ganaʼana, ba Sidona, ononia si aʼa, ba Cheti; 16ba ngaʼõtõnia na Ndraono Jeboesi andrõ ba Iraono Gamori ba Iraono Girigasi, 17ba Iraono Hewi ba Iraono Gariki ba Iraono Zini, 18ba Iraono Gariwadi ba Iraono Zemari ba Iraono Hamata; ba si manõ waʼafabali soi Ndrawa Ganaʼana andrõ. 19Ba tanõ Ndrawa Ganaʼana andrõ, ba iʼotarai Zidona ba noemalõ ba Gerara, irege Gasa, ba noemalõ ba Zodoma ba ba Gomora ba ba Gadama ba ba Zeboʼi, iroegi Laza. 20Daʼõ ndraono Chamo, soira ba hadia ngawalõ lira, tanõra andrõ ba madora.
21III. Ba Semi andrõ, foeroegõ ndraono Heberi andrõ fefoe, gaʼa Jafeti, ba moʼonoʼono gõi. (Ngaʼõt. I. 1, 17). 22Ono Zemi ba Elama ba Asoeri ba Arafasa ba Loedi ba Aramo. 23Ba ono Garamo, ba Oesi ba Hoeli ba Geteri ba Masi. 24Ba ono Garafasa, ba Sela, ba ono Zela, ba Heberi. 25Ba chõ Heberi andrõ, ba domboea nono matoea; tõi zi samboea, ba Felegi, me ba gõtõnia fabali niha ba goeli danõ. Ba tõi dalifoesõnia andrõ, ba Joketana. 26Ba ono Joketana andrõ, ba Alimodadi ba Salefi ba Hasamaweti ba Jara, 27ba Hadoramo ba Oesala ba Dikela, 28ba Obala ba Abimaʼeli ba Seba 29ba Ofiri ba Hawila ba Jobabi, oi ono Joketana daʼõ. 30Ba banoeara, ba iʼotarai Mesa, noemalõ ba Zefara, irege hili andrõ, tánõ ba gatoemboecha loeo. 31Daʼõ ngaʼõtõ Zemi andrõ, soira andrõ ba hadia ngawalõ lira ba tanõra ba madora andrõ. 32Daʼõ ngaʼõtõ ndraono Noachi, iwara andrõ ba soira; ba ba chõra fabali soi andrõ ba goeli danõ, me no aefa waʼatoea danõ andrõ fõna.
Currently Selected:
SOERA MOZE I. FAZA 10.: NIA
Označeno
Share
Copy
Want to have your highlights saved across all your devices? Sign up or sign in
Soera Ni’amoni’ö, Nias Bible 2009® © Indonesian Bible Society – Lembaga Alkitab Indonesia, 2009.