ܙܟ݂ܪܝܐ 6
6
ܚܸܙܘܵܐ ܬܡܝܼܢܵܝܵܐ: ܐܲܪܒܲܥ ܡܲܪ̈ܟܒ݂ܵܬܹܐ
1ܘܕܝܼܪܝܼ ܘܡܘܼܪܸܡ ܠܝܼ ܥܲܝܢܝܼ̈، ܘܚܙܹܐ ܠܝܼ، ܘܗܵܐ، ܐܲܪܒܲܥ ܡܲܪ̈ܟܒ݂ܵܬܹܐ ܒܸܦܠܵܛܵܐ ܡ̣ܢ ܒܹܝܠܔ ܬܪܹܝ ܛܘܼܪ̈ܵܢܹܐ، ܘܛܘܼܪ̈ܵܢܹܐ ܛܘܼܪ̈ܵܢܹܐ ܕܢܚܵܫܵܐ. 2ܒܡܲܪܟܲܒ݂ܬܵܐ ܩܲܕ݇ܡܵܝܬܵܐ ܣܘܼܣܵܘܵܬܹ̈ܐ ܣܡܘܿܩܹ̈ܐ ܐ݇ܣܝܼܪܹܐ ܝܗ݇ܘܵܘ، ܘܒܡܲܪܟܲܒ݂ܬܵܐ ܕܬܲܪܬܹܝ، ܣܘܼܣܵܘܵܬܹ̈ܐ ܟܘܼܡܹ̈ܐ، 3ܘܒܡܲܪܟܲܒ݂ܬܵܐ ܕܬܠܵܬ، ܣܘܼܣܵܘܵܬܹ̈ܐ ܚܘܵܪܹ̈ܐ، ܘܒܡܲܪܟܲܒ݂ܬܵܐ ܕܐܲܪܒܲܥ، ܣܘܼܣܵܘܵܬܹ̈ܐ ܒܲܠܩܹ̈ܐ–ܟܠܘܿܢܬܲܝܗܝ ܚܲܝܠܵܢܹ̈ܐ. 4ܘܓ̰ܘܼܘܸܒ ܠܝܼ ܘܐ݇ܡܝܼܪܝܼ ܠܡܲܠܲܐܟ݂ܵܐ ܕܗܲܡܙܘܼܡܹܐ ܝܗ݇ܘܵܐ ܥܲܡܝܼ، ”ܡܘܿܕܝܼ ܝܢܵܐ ܐܲܢܹܐ، ܡܵܪܝܼ؟“ 5ܘܓ̰ܘܼܘܸܒ ܠܹܗ ܡܲܠܲܐܟ݂ܵܐ، ܘܐ݇ܡܝܼܪܹܗ ܐܸܠܝܼ، ”ܐܲܢܹܐ ܝܢܵܐ ܐܲܪܒܲܥ ܪ̈ܘܼܚܹܐ ܕܫܡܲܝܵܐ، ܕܒܸܦܠܵܛܵܐ ܝܢܵܐ ܡ̣ܢ ܠܸܟܠܵܝܵܐ ܩܵܕ݇ܡ ܡܵܪܵܐ ܕܟܠܵܗ̇ ܐܲܪܥܵܐ. 6ܡܲܪܟܲܒ݂ܬܵܐ ܕܐܝܼܬ ܒܝܼܘܼܗ̇ ܣܘܼܣܵܘܵܬܹ̈ܐ ܟܘܼܡܹ̈ܐ، ܒܸܦܠܵܛܵܐ ܝܢܵܐ ܠܐܲܪܥܵܐ ܕܓܲܪܒܝܵܐ، ܘܚܘܵܪܹ̈ܐ ܦܠܝܼܛ ܠܗܘܿܢ ܒܵܬ݇ܪܲܝܗܝ، ܘܒܲܠܩܹ̈ܐ ܦܠܝܼܛ ܠܗܘܿܢ ܠܐܲܪܥܵܐ ܕܬܲܝܡܢܵܐ.“ 7ܘܚܲܝܠܵܢܹ̈ܐ ܦܠܝܼܛ ܠܗܘܿܢ، ܘܒܥܹܐ ܠܗܘܿܢ ܠܹܐܙܵܠܵܐ ܠܸܚܕܵܪܵܐ ܒܐܲܪܥܵܐ. ܘܐ݇ܡܝܼܪܹܗ، ”ܙܹܠ݇ܡܘܼܢ، ܚܕܘܿܪܘܼܢ ܒܐܲܪܥܵܐ.“ ܘܚܕܝܼܪܗܘܿܢ ܒܐܲܪܥܵܐ. 8ܘܡܘܼܩܘܸܚ ܠܹܗ ܐܸܠܝܼ، ܘܗܘܼܡܙܸܡ ܠܹܗ ܥܲܡܝܼ، ܒܹܐܡܵܪܵܐ، ”ܚܙܝܼ، ܐܵܢܝܼ ܕܦܠܝܼܛ ܠܗܘܿܢ ܠܐܲܪܥܵܐ ܕܓܲܪܒܝܵܐ، ܡܘܼܢܝܸܚ ܠܗܘܿܢ ܠܪܘܼܚܝܼ ܒܐܲܪܥܵܐ ܕܓܲܪܒܝܵܐ.“
ܟܠܝܼܠܵܐ ܡܘܼܬܒ݂ܵܐ ܒܪܹܫܵܐ ܕܝܼܫܘܿܥ ܟܵܗܢܵܐ ܓܘܼܪܵܐ
9ܘܗܘܹܐ ܠܹܗ ܚܲܒܪܵܐ ܕܡܵܪܝܵܐ ܐܸܠܝܼ، ܒܹܐܡܵܪܵܐ، 10”ܬܵܐ ܘܥܒ݂ܘܿܪ ܠܒܲܝܬܵܐ ܕܝܘܿܫܝܼܵܐ ܒܪܘܿܢܵܐ ܕܨܦܲܢܝܵܐ، ܘܫܩܘܿܠܔ ܡܵܘܗܒ݂ܵܬܹ̈ܐ ܒܗ̇ܘ ܝܵܘܡܵܐ ܡ̣ܢ ܒܢܲܝ̈ ܓܵܠܘܼܬܵܐ، ܡ̣ܢ ܚܘܼܠܕܝܼ، ܘܡ̣ܢ ܛܘܼܒ݂ܝܼܵܐ، ܘܡ̣ܢ ܝܼܕܲܥܝܵܐ، ܕܐ݇ܬܹܐ ܠܗܘܿܢ ܡ̣ܢ ܒܵܒܹܠܔ ܠܒܲܝܬܹܗ. 11ܘܫܩܘܿܠܔ ܣܹܐܡܵܐ ܘܕܲܗܒ݂ܵܐ، ܘܬܲܪܸܨ ܟܠܝܼܠܵܐ، ܘܡܲܬܸܒ݂ ܒܪܹܫܵܐ ܕܝܼܫܘܿܥ ܒܪܘܿܢܵܐ ܕܝܘܼܙܵܕܵܩ، ܟܵܗܢܵܐ ܓܘܼܪܵܐ. 12ܘܐ݇ܡܘܿܪ ܐܸܠܹܗ، ’ܗܲܕܟ݂ܵܐ ܒܹܐܡܵܪܵܐ ܝܠܹܗ ܡܵܪܝܵܐ ܚܲܝܠܬܵܢܵܐ، ”ܗܵܐ، ܐ݇ܢܵܫܵܐ ܕܫܸܡܹܗ ܢܘܼܪ݇ܒ݂ܵܐ، ܘܡ̣ܢ ܥܸܩܪܹܗ ܒܸܬ ܡܲܓ̰ܝܸܢ، ܘܒܸܬ ܒܵܢܹܐ ܗܲܝܟܠܵܐ ܕܡܵܪܝܵܐ. 13ܘܗ̇ܘ ܒܸܬ ܒܵܢܹܐ ܗܲܝܟܠܵܐ ܕܡܵܪܝܵܐ، ܘܗ̇ܘ ܒܸܬ ܩܲܒܸܠܔ ܚܸܩܪܵܐ، ܘܒܸܬ ܝܵܬܹܒ݂ ܘܒܸܬ ܥܵܒܹܕ ܫܘܼܠܛܵܢܵܐ ܥܲܠܔ ܟܘܼܪܣܝܹܗ، ܘܒܸܬ ܗܵܘܹܐ ܟܵܗܢܵܐ ܥܲܠܔ ܟܘܼܪܣܝܹܗ، ܘܡܸܠܟܵܐ ܕܫܠܵܡܵܐ ܒܸܬ ܗܵܘܹܐ ܒܹܝܠܔ ܬܸܪܘܲܝܗܝ.“‘ 14ܘܟܠܝܼܠܵܐ ܗܵܘܹܐ ܠܥܘܼܗܕܵܢܵܐ ܒܗܲܝܟܠܵܐ ܕܡܵܪܝܵܐ ܠܚܹܠܸܡ، ܘܠܛܘܼܒ݂ܝܼܵܐ، ܘܠܝܼܕܲܥܝܵܐ، ܘܠܚܸܢ ܒܪܘܿܢܵܐ ܕܨܦܲܢܝܵܐ. 15ܘܐܵܢܝܼ ܕܝܼܢܵܐ ܪܸܚܩܵܐ ܒܸܬ ܐܵܬܝܼ ܘܒܸܬ ܒܵܢܝܼ ܗܲܝܟܠܵܐ ܕܡܵܪܝܵܐ، ܘܒܸܬ ܝܵܕܥܝܼܬܘܿܢ ܕܡܵܪܝܵܐ ܚܲܝܠܬܵܢܵܐ ܫܘܼܕܪܸܢܹܗ ܠܟܸܣ ܠܵܘܟ݂ܘܿܢ. ܘܒܸܬ ܗܵܘܝܵܐ ܐܵܗܵܐ، ܐܸܢ ܫܡܵܥܵܐ ܫܵܡܥܝܼܬܘܿܢ ܒܩܵܠܵܐ ܕܡܵܪܝܵܐ ܐܲܠܵܗܵܘܟ݂ܘܿܢ.“
Trenutno izbrano:
ܙܟ݂ܪܝܐ 6: ABTAB
Označeno
Deli
Kopiraj
Želiš, da so tvoji poudarki shranjeni v vseh tvojih napravah? Registriraj se ali se prijavi
Aramaic Bible Translation Assyrian Bible © 2025 Aramaic Bible Translation