Priljubljene svetopisemske vrstice iz Galezɨya 2

Deli

Kɨraazɨtɨyarɨ wɨlamwaaiheinyɨna Kɨraazɨtɨyai yɨsavɨ balakegaa' nɨmɨ bainɨkeinyɨ. Sare' nɨmɨ sainyɨ mamwaalyɨge. Kɨraazɨtɨyai sahwai wɨlanyɨmwaalɨkeinyɨ. Dahaa' kɨlaa'nakeinyɨ mwaaiheinyɨ. Gotɨyare Gawaalɨkɨ lɨmwadɨ mwaaiheinyɨ. Sai nɨmɨnyɨna tewaanya wɨvu'nakelyɨ. Gamɨ sai nɨmɨnyɨneba marɨmwangɨnaka yarai balakelyɨ.

Gotɨyai a'mweraavɨna yange'na wɨgaimwangebwi wanganakɨna myɨwɨnera! (Kɨraazɨtɨyarɨna yawɨ'dɨnyainyɨ.) Sare' dare'nesɨ. A'mwe pwai Kɨwɨnyabwina nayaa yada Gotɨyai “Yɨda'maraangelyɨ,” wɨdazɨ kwajɨ Kɨraazɨtɨyai yaasɨwa'na kabaladɨka! (Kɨwɨnyabwina Gotɨyai “Yɨda'maraangeigɨnyɨ,” mujɨ yanne'na Kɨraazɨtɨyai nemɨnyɨna bala'.)

Nenɨmaangera Juyara mwaaidapɨjɨ mudangegaa' Juyaina yɨma'no. Juyara dɨna “Ne Mozɨzare Kɨwɨnya myadɨvɨsara kayaa'nanyarera.” Sare' Juyaina mwaidaa ajɨmya yuyangɨyaina kayaa'nanyaina mamwaalyɨgoina kɨrɨ' dara yawɨ'mwosɨ. O, pwai Gotɨyare Kɨwɨnyabwi yada Gotɨyai mujɨna “Yɨda'maraangeigɨnyɨ,” mujɨna. Aawa. Pwai Jizaazai Kɨraazɨtɨyarɨ lɨmwaga'da Gotɨyai wɨdɨna “Yɨda'maraangeigɨnyɨ,” wɨdɨvanɨkelyɨra. Sare' nemɨ saina Kɨraazɨtɨyai Jizaazarɨ lɨmwamwo. “Kɨwɨnya dɨnɨkebwi mɨdɨdaa Gotɨyai ‘Yɨda'maraangeigɨ,’ manejadelyɨ. Kɨraazɨtɨyarɨ lɨmwadaa Gotɨyai ‘Yɨda'maraangeigɨ,’ nedana!” dona sara lɨmwamwo. Kɨlaa'naka aane pwai kwai Gotɨyare Kɨwɨnya mɨdɨda Gotɨyai “Yɨda'maraangeigɨ,” mujɨnɨke'na Kɨraazɨtɨyarɨ lɨmwamwo.