Priljubljene svetopisemske vrstice iz 1 Tezalonaaika 5

Deli

Gazagaasagaa' yɨlaaya ja! Yuyagaa' Gotɨyarɨ duthana! Pwara kayaa'na gyɨpɨjahaa' pwara tewaanna gyɨpɨjahaa' yɨ yuyangɨ “Su! Su!” Gotɨyarɨ duthana! Sare' dare'nesɨ. Sasareigɨnyɨ Kɨraazɨtɨyai Jizaazai gannya dɨragɨnya' kagɨzaavojɨ Gotɨyai sɨmunya sara gyawɨ'daa'nyɨ “Nɨmɨrera nayaa yɨpɨka!” gɨmɨ sana sana ja!

Gotɨyai gamɨ sai kwaamu'nanyabwi kɨnɨnnakei gamɨreihi tewaanyaihɨrɨ yuneba yɨhɨmwaaihana! Sarɨmɨre kuryaraavɨ sarɨmɨre sɨmunyangɨ sarɨmɨre kɨlaakejɨkaavɨ nayaa maremwaalana! Yuyagaa' sara maremwaaida nemɨre Naangei Jizaazai Kɨraazɨtɨyai walaabathehaa' dara wanganade “Ya, nawɨ'nyarera. Yɨwetawakya maayarera.” Sare' Gotɨyai yɨhɨthahɨlakɨvanɨkei gazagaasagaa' tewaanyabwi yadei sana yɨhɨmwaaihadelyɨ.

Da' jawɨka! Pwai sarɨmɨjɨyarɨ kayaa'na kyojɨ mɨnya mamaaranna! Mɨnya mamaa'dɨnna! Aawa. Sa' dɨragɨnna jawɨka! Tewaanyaburɨ dɨmɨdɨna! Kɨraazɨtɨyareraavɨ tewaanna ja! Yuyaraavɨ tewaanna ja!

Sarevɨna gazaigɨzaigɨ yawɨta nawɨ'nya sa ja'mwerɨ dɨragɨnna jɨvaimwana! Kɨraazɨtɨyarerɨ dɨragɨnyarɨ dɨvada'galayɨvaimwana! Dahaa' yɨvanɨgɨnyabaaibɨ' sara kuna ja!

Neya'mweihi, kɨwɨnya naanga yɨhɨthaana! Sarɨmɨjɨyara wawɨnya myadɨvɨsaraavɨ duzɨwaakya! “Yaasɨwa'na namwaaidɨka! Wawɨnya ja!” Pwaraavɨre kuryara dɨragɨnya maayara lɨka yadɨvɨsaraavɨre kurya dɨragɨnyara dumwaaihya! Pwara sɨmunya dɨragɨnna myawɨryadɨvɨsaraavɨ wɨgaimwange'na nayaa dɨmaremwaala! Yuyaraavɨ kave ja! Nayaa duthana!

Gotɨyai majɨ “Saraavɨ maanga wɨdɨma! Mala wɨramɨma!” majɨ yaka newakakelyɨ. Aawa. Gotɨyai dɨna “Sahwaraavɨre Naanga Jizaazai Kɨraazɨtɨyai padaihasamaaraderera,” dɨna yaka sabwi nejaavake'nanyɨ.

Sare' dare'nesɨ. Sarɨmɨ Baakeihi Yɨrɨkevɨyaihɨlyɨ. Sarɨmɨ Naangeregaasaihɨlyɨ. Nemɨ jɨhɨnyavɨyaina mɨ'. Nemɨ sawɨsavɨyaina mɨ'.