Priljubljene svetopisemske vrstice iz 1 Tezalonaaika 4

Deli

Nabaai, nemɨ kwaihwaainakeina mwalaadeinajɨ sahwarajɨ sainaavɨ yarai nemakɨlaawadeinera. Sɨgunyavɨ nemɨ Naangerɨ wɨjɨmaata'na yɨraayangɨ nemakɨlaawadeinera. Sara kyojɨ yuyagaa' Naangeryaba mwalaade'nanyɨ.

Sare'na Naanga sahwai Sɨgunyavɨdaa'nyɨ waidaavada jaka naanga danganadelyɨ “Jɨkabyɨla!” Sagaa' ejelɨya naangei jaka kudozɨ Gotɨyare gware' makuradesɨra. Naangei jaka naanga kadanganojɨ sɨnnawɨ Kɨraazɨtɨyarera baryara dɨkaapɨ'dere.

Sare' dare'nesɨ. Gotɨyare sɨmunyabwi dara yawɨ'manɨ' “Gɨmɨ nɨmɨreigɨ tewaanyaigɨ dɨmwaala! Ata lɨmwangebwi minna!” Sara yawɨrapɨjɨ gazaigɨzaigɨ gɨnnya balaangevɨ tewaanna dɨmaaka! Yawɨta tewaanyajɨyaigɨ kwala dɨmaaka! “Nɨmɨre a'mwe kwala maake mwaalɨka nawɨ'nya' gave dasɨ mwaalɨma!” da'gɨzɨ dɨmaaka!

Sare' dare'nesɨ. Nemɨ dara lɨmwadaanyɨ. Jizaazai balaka ayɨna dɨkaavakelyɨra. “Nebulyasɨ,” dovɨdaa'nyɨ dara dɨna “A'mwera Jizaazarɨ lɨmwadɨvɨ' bainɨkeraavɨjɨ Jizaazarɨjɨ Gotɨyai makwalaabathere!”

Dɨragɨnna dara jawɨka! “Nɨmɨ kave mwaalɨma! Nɨmɨre wawɨnya' kuna maremwaalɨma! Pwaraavɨre wawɨnya kuna mamaremwaaimuna! Wɨdaasadera dɨragɨnna nyɨdetabaaibɨ' nɨnnya asasɨ aawawɨnya yɨma!”

Sare' dare'nesɨ. Gotɨyai myawɨri “Sahwara ata lɨmwangebwi yɨpɨka!” myawɨrya'. Aawa. “Sahwara nɨmɨrera tewaanyara nayaa mwaaibɨka!” yawɨraka nejɨvwaramaarakelyɨ.