Priljubljene svetopisemske vrstice iz Romu 5

Deli

La nenge texolu loxo ta mitema sou susu ia Kalisito mune'e musolisinge. No anu 'ilixo e Lataua mu'oxonu ne, la mumaxa'u lamana lexe anu tanunenge misevile.

Mo nenge taxolu taloloopalasi, la nenge tamomomo sou tamaela uasi, xo Lataua mulosinge Uleenu Tavuna mune'e muxolu noxinge, la mu'ana'analinenge no anu 'ilixo sou tanengexa'a ta menexinge.

La sou nenge ta'osasou ane nesi uasi, nenge ta'osasou tu'utu'umaxu ane muxali noxinge kalumo, xo nenge telavusou lexe no anu tu'utu'umaxu ne la anu u'oxonu pekia'inge. Mo tatulu pekia'inge no 'a tu'utu'umaxu, xe lexe taua'alixu tu'utu'umaxu ne, la nenge taxolu sou taloopalasi.

La sou no mine nenge tamuxaxu tanenge noxou Lataua la anu mumoxo'inge lexe nenge ta mitema telapu. Mo noxou Tila noxinge Iesu Kalisitosi la Anu muxalixu opo se'isisi no tainenge nenge nenge'a Lataua. Noxou Iesusi la Anu mukisiinu vote'isinge ta mitema ane temuxaxu tanenge noxou Lataua. La sou vaimomo 'o nenge texolu no nano no anu alauna noxou, mo texolu teloopalasi noxou Lataua sou uno'inge la nenge'a taxolu ta'osa'osa teitexi no opo loxotolo.

La sou ngamaisou, no mine nenge xavinenge sou menge tasu'ulinenge la uasi, la Lataua musosovosou voxo sou Kalisito mune'e musolisinge nenge ta mitema sou susu, la mulivulinenge.

La sou no mine Kalisito musoli xe sialuxu mu'uinenge, la sou Lataua mumoxo'inge lexe nenge ta mitema telapu. La sou nenge telavusou lexe Anu usu'ulinenge laixe no anu voxo sou la'ia noxou Lataua uxali.

Xo anu iouvilesisi aloxo 'o, itema vilesisi ulomuxu Lataua uasi, la sou no anu susu noxousi ne la mu'oxone'i ta mitema tavu'alo mixali ta mitema sou susu. Mo anu kalumo aloxo, itema vilesisi mulomuxu vaikala noxou Lataua la sou no anu 'ilixo noxousi ne, la u'oxone'i ta mitema tavu'alo la ixali ta mitema milapu.

Mo no anu anenesi uasi, ia nenge ta'osa toxoxa'a manina noxou Lataua kalumo no anu xaixai noxou Tila noxinge Iesu Kalisito mu'oxonu, la sou muxalixu opo vilesisi no tainenge nenge'a Lataua la.