Priljubljene svetopisemske vrstice iz Romu 4

Deli

Xo Lataua musakiinu vaikala lexe u'oxonu mimii ne la sou Avalaamu muxavutala no anu la mumuxaxu tanu pekia'u manina no anu vaivaikala ne la tanu usasalo uasi. Anu mumuxaxu tanu noxou Lataua la sou no anu muxamuxaxu tanu noxou ne mu'oxonu pekia'u mo mu'itinu Lataua ualasou sou mii ma'ia ane Lataua u'oxonu noxou. Mo xavutalau mutulu pekia'u lexe Lataua umomomo sou u'oxonu mimii e anu musakiinu vaikalasou ne uxali manina.

Aloxo vaikala muxolu no nano no anu Lavuku Tavuna teinu noxou Lataua muvikala aloxo 'o, “Eni e'oxoneni nexali 'ilusune'i ta mitema no tuatuala no lia 'o mukalusi.” Mo anu muxali loxo anu 'ilusunenge no iou Lataua. Anu mumuxaxu tanu noxou Lataua e ulavusou utulusi'a ta mitema misoisoli la imauli, xe Lataua e uvikalasi la mimii e uxali mo tamaisou uasi ne anu uxali.

Lataua mukalanu Iesu mulu'e no lia 'o la ta mitema mivau musoli sou muxexeenu susu noxinge. Ia Lataua mutulusou no anu soli la mumauli la, aloxo ne la sou Lataua mumoxo'inge lexe nenge ta mitema telapu.

Avalaamu ulavusou lexe Lataua u'oxonu mimii ne uxali manina a loxovaa uasi. Ia anu muloopalasi, la sou loopala noxou ne muxali maninasou lexe anu 'ilusune'i ta mitema no lialia 'o mukalusi. Anu aloxo Lataua muvikalanu ne, lexe “Ta 'ili'iline, mo ta 'ilu'ilusuneni xe ta xaixasine maasi la ixali tavu'alo manina.”

La sou no anu alauna noxou Lataua la mumasaxau Avalaamu misevile mo ta 'ilu'ilusunu e ixali ili'i la sou Anu musakiinu vaikala noxou ne. Aloxo ne la sou no anu 'ilixo sou imulaxu tane'isi la mimii e Lataua musakiinu vaikalasou ne Anu ulosi'a Avalaamu ta 'ilu'ilusunu. Anu ulosi'a ane'i ane mimulinu lapuloto laixesi uasi, ulosi'a ane'i ane mimuxaxu tane'i kalumo loxo Avalaamu. Nenge mukalusi ne 'ilusunenge ane Avalaamu ne.

Mo muvikala kalumo aloxo 'o, Ane'i ane Lataua muxiunu tumalou no anu susu noxi'a, xe muxexeenu susu noxi'a la ane'i i'osa. Mo itema 'ena'ei ane Lataua tanu vulusiou susu noxou ne, la anu u'osa.

Xo vaikala muai no nano no anu Lavuku Tavuna teinu noxou Lataua muvikala a loxovaa? Anu muvikala aloxo 'o, “Avalaamu mumulaxu tanu noxou Lataua, la sou Lataua mumoxo'u lexe anu itema mulapu.”