Priljubljene svetopisemske vrstice iz Openboarunk 22

Deli

Ekj sie daut A un daut Oo, de Aunfank un daut Enj, de Ieeschta un de Latsta.

Kjikjt mau, ekj kom boolt, un hab mienen Loon met, een jiedrem doano to jäwen, waut siene Woakjen jewast sent.

Un de Jeist un de Brut sajen: Komm! Un wäa daut hieet, dee saul uk sajen: Komm! Un wäm darscht, däm lot komen. Un wäa doa well, saul daut Läwenswota emsonst nämen.

Seelich sent, dee doa doonen waut hee befolen haft, daut see een rajcht toom Läwensboom haben, un derch de Puaten en de Staut nenn gonen kjennen.

Kjikjt emol, ekj kom boolt! Seelich es dee, dee sikj aun de profeetische Wieed en dit Buak helt.

Un doa woat kjeene Nacht sennen. An woat daut uk nich aun Laumpen ooda Sonnenlicht fälen, wiels Gott de Har es fa an Licht, un see woaren von Eewichkjeit to Eewichkjeit rejieren.

Un dee dit jesajcht haft, sajcht: Jo, ekj kom boolt. Amen, jo komm, Har Jesus! Mucht däm Harn Jesus siene Jnod met junt aula sennen! Amen.

Ekj woarn jieda eenem, dee de profeetische Wieed en dit Buak hieet: Wäa doa irjentwaut toosat, däm woat Gott de Ploagen toosaten, von dee en dit Buak jeschräwen stonen. Un wäa von de profeetische Wieed en dit Buak wajchnämen woat, däm woat Gott sien Poat vom Läwensboom, un von de heilje Staut wajchnämen, wuavon en dit Buak jeschräwen steit.