Priljubljene svetopisemske vrstice iz Hebräa 10

Deli

Vonne Vesaumlungen wajch bliewen, soo aus eenje doonen, daut well wie nich, oba väl leewa ons unjarenaunda Moot toospräakjen. Un daut es wichtich, wiels de latsta Dach noda kjemt, soo aus jie seenen kjennen.

Well wie toophoolen un ons unjarenaunda aunspornen, en goode Woakjen, Leew to bewiesen.

Well wie doaraun fausthoolen, de Hopninj to bekjanen, un daut onen to twiewlen, wiels dee, dee daut Vespräakjen jejäft haft, es tru.

Jie motten jeduldich doabie bliewen, un soo Gott sien Wellen doonen un daut kjrieen, waut junt vesproaken es.

Dan well wie nu met woarhauftich opprechtjen Hoat un fausten Gloowen no Gott gonen, met jereinichte Hoaten un loos von beesen Jewessen, un ons Kjarpa jewoschen met reinet Wota.

Doawäajen, schmiet jun vetruen nich wajch, daut woat junt noch emol rikjlich beloont woaren.

Wan wie de Woarheit haben kjanen jelieet, un wie dan doch mootwellens wieda sindjen, dan es doa kjeen Opfa mea fa onse Sind jebläwen. Dan heet daut bloos noch, en Schrakjen opp daut Jerecht to luaren un opp daut frätende Fia, daut Gott siene Fiend ombrinjen woat.