Priljubljene svetopisemske vrstice iz Маттай 21

Deli

Шулай ук догагызда нәрсә генә сорасагыз да, әгәр ихластан ышанасыз икән, теләгәнегезне алырсыз.

– Хак сүз әйтәм сезгә: һич икеләнмичә ихластан ышансагыз, инҗир агачына Мин эшләгәнне генә түгел, хәтта ки менә бу тауга «күтәрелеп диңгезгә ташлан!» дип әйтсәгез дә, нәкъ шулай булыр, – диде Гайсә.

Алдан баручы халык та, арттагылар да: «Давыт Углына һошанна! Раббы исеме белән Килүче мөбарәктер! Күкләрдә һошанна!» – дип кычкырды.

– Язмада «Минем Йортым дога кылу йорты дип аталыр» дип әйтелгән, ә сез аны юлбасарлар оясына әйләндергәнсез! – диде Ул.

Аллаһының пәйгамбәр аша: «Сион-кызга әйтегез: „Яныңа яшь ишәккә – йөк ишәгенең баласына атланып тыйнак-күндәм патшаң килә“», – дип әйткән сүзләре әнә шулай гамәлгә ашты.

– Язмада: «Төзүчеләр яраксыз дип тапкан таш иң мөһим почмак ташына әйләнде. Раббы тарафыннан кылынды бу, һәм безнең күзләр өчен бу могҗизадыр», – дип әйтелгән сүзләрне беркайчан укыганыгыз булмадымыни? – диде аларга Гайсә.

– Әнә шуңа күрә Мин сезгә болай дим: Аллаһы Патшалыгы, сездән алынып, җимеш бирүче халыкка тапшырылачак.