Priljubljene svetopisemske vrstice iz Maatiyu 19

Deli

Ye̱so go̱tk na̱ u zeka, “Baa netna, a ti ema da. Baa Na'Sil la, kooye̱ ti ema.”

Rema̱n taanlo, a za ta̱m net ni'il da. I noc v'da̱n. Rina̱n Sila gagin d'baa d'da̱n, a noc but la da.”

Ye̱so ipkt bo̱ na̱, “A̱n ta po̱g ho ge̱nsa̱ s'giira, az Sila nan emin na̱ a̱n d'takbo, a emk na̱ a̱ra̱m na neta da? Sila zeka ta̱ma̱, ‘I rema̱n taanl a̱n a̱ra̱m tu lagt ceto a inu nu, u de̱pe̱ netav ru. Na̱nna i'il ta soot u'we̱d uda̱nka̱.’

Ye̱so zeta bo̱ na̱, “Lag na aka̱n rekan a noka baa ri. An hol la na̱ da. Rema̱n go̱mc na'con ic goon na̱nna.”

An rein na̱m'he̱n az i na̱nna a̱n nan hwenga na̱m'e̱te̱, ta vaak an na zain nan hwenga da. An rein la ta̱m na̱m'he̱n az a nan hwenga na̱ da, ta vaak an nan hwenga a̱n d'be̱se̱.”

“Koowe̱ ta̱m a̱n lagain c'buu alla ha̱nun yaa'a̱ra̱mna̱ alla ha̱nun yaa'yantana alla k'ceto alla k'inu alla akna alla ta̱m c'ke̱nge̱ rem ri, tu kab c'copa̱n s'lam v'za̱ngu. Sila ta ne̱e̱ ta̱m o po̱tu d'kala.

Ye̱so zeka ta̱m o, “Awaz a̱v to̱nk a̱v soot noc kan zattin ri d'reb da, nok a̱v bab rina̱n v ciin kwe̱, a̱v we̱nke̱ kobneta̱n kindi. Ta̱'v kum kaa u'kum a'cona. A̱n daava̱n lo, noka kaa v gaba me.”

Ye̱so ipkk la o, “I rema̱n ye̱ a̱n va ipkt a̱m da̱n rihi kasi? Noc kasi za da, a za A'Sil c'taa da. Awaz a̱v to̱nk a̱v po̱t d'kala, gab rina̱n giiras Na'Sil zeine.”

A̱m zek ta̱m no, i pa̱tk a̱n k'le̱v az rakum uv a̱n wa̱a̱va̱ v'tamswa, a̱nda kanukum uv a̱n go̱mc Na'Sila̱.”

A̱m el ta̱m a̱n ve̱ce̱m no. Koowe̱ a̱n kuzin netav ru, a za rem d'o̱m da, u gan ta̱m uhyan, u el a̱n d'o̱mo̱. Koowe̱ ta̱m a̱n gain netauna̱n na kuzini, u el a̱n d'o̱mo̱.”

Ye̱so zeta bo̱ an la̱a̱s baa ru, “Lag na m ve̱ce̱te̱ no m'ga̱u. I c'ma̱d bo̱ a ta̱ga̱n kanukum uvt a̱n go̱mc Na'Sila̱.