Priljubljene svetopisemske vrstice iz Maatiyu 18

Deli

Rema̱n va̱na̱n net ni'il alla i'ta̱a̱c kargain d'baa d'da̱n a̱n dind ri, a̱m el a̱n a̱n'a baad na̱.”

“A̱m el ta̱m a̱n ve̱ce̱m no. Awaz net ni'il baa no ta swe̱e̱ hid na̱ a̱n kooye̱ a konin a̱nmin copun yanda̱hna, Cet me un rein a̱nmi na'con tu ne̱e̱ na̱ inya.

Ye̱so po̱gto̱ bo̱ waa u reko u noka baa ru. U esasta bo̱ o a̱n te̱ka na̱. U zeta bo̱ na̱, “Lag a̱m ve̱ce̱te̱ no m'ga̱u. A za a̱n vaakk ho̱d aka̱n rekan da, a ta̱n uv a̱n go̱mc na'con da.

Koowe̱ a̱n kalasain hid ru ho̱d waa'rekun uhna, i unwa a̱n rein u so̱dk kwe̱ a̱nmin go̱mc na'cona.

Koowe̱ ta̱m a̱n tu kab goon waa'rekun uha̱n a̱n dind ri, i mi u kabine.

“Lag a̱m ve̱ce̱te̱ no m'ga̱u. Kooye̱ a̱n esasain a̱n copun yanda̱hna, Sila ta esasa la e a'cona. Kooye̱ ta̱m a̱n ta esasain a̱n copun yanda̱ha̱n da, Sila a ta esasa la e a'con da.

“I ho̱da̱n lo bo̱ ta̱m a̱n Cet me un rein a̱nmin a'con tu emata no, awaz a̱n ta kwisi hyannanon ko̱tc na̱ d'ba̱t d'da̱n da.”

“Koowe̱ ta̱m a̱n tu de̱l da̱nv aka̱n rekan aha̱n an batin d'ba̱t baa ri a ko̱to̱, ti piti be̱ o na ge̱ge̱ o d'naa a̱n to̱r na bono o a̱nmin m'saa.

“Go̱t na a̱n he̱nte. A noc ci kyo̱o̱ma̱n v'za̱ngu, da̱nv yang o. A tu lag o̱pnan lo kwe̱zc c'naas a̱n oopa ni'doore, u el a̱n c'se̱m u hobta un yangin da?