Priljubljene svetopisemske vrstice iz اِنجیل مَرقُس 7

Deli

چوم اَ چیی که اِنسانی وجودی کا و اِنسانی دیلی کا بِرون بومَی اِمِنی نَه: پلیده فیکرِن، بی‌ عفتی، دِزدی، قَتل، زِنا، طَمع، شِرارت، حیلَّه، هَرزه بییِه، حَسودی، بُختون، غرور و اَخمق بییِه. گِرد اِم بَدَه چیی اِن اِنسانی وجودی کا بِرون بومَین و اِنسانی نِجِس بَکَردین.»

اِنسانی بِرونی کا هیچ چی نییَه که چَیی وجودی دیلَه دَشو و بِشا اَیی نِجِس آکَرِه، بَلکَم اَ چییونی که اِنسانی وجودی نَه بِرون بَران، اَیی نِجِس بَکَردین.

عیسی جَواو دوشَه: «اِشعَیای پیغمبر شِمَه دِ دیمون درباره چِه چاک پیشگویی کَردِشه! هَتَه که نیویشته بییَه، «”اِم قوم اِشتَن زوونی نَه مِن حُرمت بَناین، امّا چَوون دیل بَه مِن کا دورَه.

اَوِن بیخودی مِن پرستش بَکَردین، اَوِن اِنسانی یَه حُکمون، خِدا اَحکامی عوض مردمی یاد بَداین.“

شِمَه خِدا اَحکامی وِل آکَردَرونَه و دَچیکیستَه ایرونَه اِنسانی یَه رسم و رسومون.»