Priljubljene svetopisemske vrstice iz اِنجیل مَرقُس 6

Deli

عیسی اَوون نَه واتِشه: «مِنَه بایَه خلوتَ جِگایی و روکَتِه آروم بِگِرَه.» چوم مردمی دَوییَر آوییَر هِندی وِر بَه که اَوِن حتی فرصتِشون نِبَه چیی بَرین.

عیسی اَوون نَه واتِشه: «ایلَه پیغمبر گِرد جِگا کا حُرمت هِستِشه، جُز اِشتَن شهری کا و اِشتَن خویشون دیلَه کا و اِشتَن خانواده دیلَه کا!»

وختی عیسی لوتکا کا ویرمَه، وِرَه جماعتی ویندِشه و چَیی دیل اَوون را سیسته، چوم گوسَندونی شیوار بینَه که شوونَه نیشونه. بَس دَمَندَه وِر چییون اَوون تعلیم دوشَه.

عیسی نِشاستِشه اوآ کا هیچ معجزه‌ای بِکَرِه، اِمی غیراز که اِشتَن دَسی چَن گِله مریضی سَر نوشه و اَوون شفا دوشَه. عیسی چَوون بی‌ ایمانی کا حَیرون بَه. عیسی اَطرافی دِه اون کا گَردی و مردمی تعلیم بَدای.

عیسی اَ پینج گِله نون و دِ گِله مایی پِگِتِشه، آسِمونی دَیشتَه، خِدا شُكور کَردِشه. دومله نونون پَله کَردِشه و آدوشَه شاگِردون تا مردمی پیشی کا بِنَن؛ اَ دِ گِله مایی نی چَوون گِردی میانه کا تقسیم کَردِشه. گِرد هَردِشونَه و سیر آبینَه، و شاگِردِن نون و مایی تیکه خورده اون کا، دونزَه گِله سَبد پور جمع آکَردِشونَه.