Priljubljene svetopisemske vrstice iz Máfíò 9

Deli

Ké ɔ cɛ̃ɛ ma ɔ ɖeín-nà-nyɔ̀ ɓěɔ̀ gbo, ké ɔ ɖá, “Geɖe ɖǎ kɔ́ɛɛ ɓúá dyí, kɛɛ ɔ cɛ̃-nyɔ̀ ɓěɔ̀ se dyí vò. Ɓě mɛ ɓaà nyɔ kɔ̃̀à geɖeɔ̀ wuɖuíɛ, ɓɛ́ ɔ ké kũ̀à-nyɔ̀ ɓáún-ɓáún tò, ɓɛ́ wa ké ɔ geɖeɔ̀ cɛ̃.”

Ɓě mu, ɓɛ́ ɓě ké ɖɛ mɔ̀ Gèɖèpɔ́ɔ̀-wùɖù nìà kɛ xwíníín nyɛɛ múin wɔ̃́. Wuɖuɔ̀ mɔ̀, ‘Ɖɛ ní hwòɖǒ dèìn múin nyɛɛ mɔ̀ ɖɛ̀ɓɛ̀ǐn-ɖɛ̀ɓɛ̀ǐn ké ɔ zi sáa-zà-zà dyí.’ Sepóɛɖé ḿ se dyi, ɓɛ́ ḿ ké dyí-sɛ́ɖɛ́ìn-nyɔ̀ ɓěɔ̀ ɖá, kɛɛ ḿ dyi, ɓɛ́ ḿ ké nàmàǔn-nyɔ̀ ɓě ɖá.”

Ti ɓɛ́ ɔ dyé ma nyɔ kúɖúú ɓěɔ̀ kɛɛ, wìì nyu ma ɔ ɓó wa jè, sepóɛɖé wa gbǎìn ma hwòɖǒ dyií, ké wa gbɛ̀ìn ma dyi kà ɓáɖáá ɓě ɓɛ́ wa se dyí-gmɔ̀-nyɔ̀ ɖò kɔ̃̀ kɛɛ nìà kɛ.

Ti ɓɛ́ Jízɛ̀ wɔ̃́ɔ ma kɛɛ, ɔ cɛ̃ɛ ma wa gbo, ké ɔ ɖá, “Nyɔ ɓě kɔ̃̀ dyɔɔ̀ wóɖó múɛɛ se hwǒò-nyɔ̀ mɔ́, kɛɛ nyɔ ɓě ɓɛ́ wa wɛ́ kɛɛ, wa mɔ̀ nyɔ mɔ́ hwǒò-nyɔ̀.

Jízɛ̀ mu ma hwɔɖɔ ɓěɔ̀ kè hwɔɖɔ-kpàǎ ɓěɔ̀ kɔ̃in, ké ɔ tɛ̀mɛ̀ìn ma nyɔǔn ɖɛ ɖé Júù-nyɔ̀ ɓěɔ̀ cɔ́cì-gbò ɓěɔ̀ mú, ké ɔ cɛ̃ ma bɔ̃̌ nɔ̀mɔ̀ dyíin ɓá Gèɖèpɔ́ɔ̀ kã́á-ɓòɖòɔ̀ jè dyí, ké ɔ kánáìn ma nyɔ ɓě ɓéɖé ma wɛ́-dù kò-kò ɓěɛɛ dyi.