Priljubljene svetopisemske vrstice iz Máfíò 10

Deli

“Gmɔ̀ nɔ̄, ḿ nì ɓě ɖoɓoɛń kà nyɔ ɖoɓoà ɓáɖáá ɓě ji ɓě hwìɛ̀ kɛ. Ɓě mɛ fɔ̀nɔ̀ hwòɖǒ kà sɛ ɓě nìà kɛ, ké ɓě mɛ mɔ̀ gìɖìǐ-nyɔ̀ kà gbúɛ́ nìà kɛ.

Nyɔ mɔ̀ nyɔ ɓɛ́ ɔ mɔ́ ɓɛ́ ɔ ké ɔ fɛ̀ɛ̀ɔ̀ póìn nyɛɛ, ɔ fɛ̀ɛ̀ɔ̀ mu ɔ xwa sɔ̀ùn. Ké nyɔ mɔ̀ nyɔ kɔ̃̀ fɛ̀ɛ̀ mu ɔ xwa sɔ̀ùn ɓó ní jè kɛɛ, ɔ muɛ dyéìn ɖe.

Ɓěǐn ɖá ɓɛ́ ɓě ké nyɔ ɓě ɓɛ́ wa ɓɛ́ìn ɓěɛ̀ kpóɖó-dyùàɔ̀ ɖáɓáa, kɛɛ wa seà ɓěɛ̀ zùùɔ̀ ɖáɓáa ɓɛ́ìn nyɛɛ dyi fɛ̃̀ìn. Kɛɛ ɓě mɛ fɛ̃̀ìn Gèɖèpɔ́ɔ̀ mɔ̀ nyɔ ɓɛ́ìn kà nyɔǔn-dyùɛ̀ kpóɖó-dyùàɔ̀ kè ɔ zùùɔ̀ mú gbɔɔ̀ ɖé hɛ́ɛ̀ kɛɛ dyi.

Ké nyɔ mɔ̀ nyɔ ɓɛ́ ɔ se ɔ kɔ́ɖɔ́sìɔ̀ dyí ɖú, ɓɛ́ ɔ ké ḿ kíɖíí síɛɛ, ɔ se ní ɖeín-nà-nyɔ̀ jǔɛ ɓɛ́ìn.

“Nyɔǔn séín ɓě ɓɛ́ wa wɔ̃́ìn ní jè mú ɖé nyɔǔn ɓě gboɛɛ, mɔ́ún mu wa mɔ̀ùn jè mú wɔ̃́ìn ɖekè ɖé ḿ Ɓǎ nìà ɖé dyɔún wɛ̃ɛ dyúa. Kɛɛ nyɔǔn séín ɓě ɓɛ́ wa doìn ní jè mú ɖé nyɔǔn ɓě gboɛɛ, mɔ́ún mu wa mɔ̀ùn jè mú doìn ɖekè ɖé ḿ Ɓǎ nìà ɖé dyɔún wɛ̃ɛ dyúa.

Ɓě kánáìn wɛ́-nyɔ̀ ɓěɔ̀ dyi. Ɓě zà nyɔ ɓě ɖǎ mɛ́ɛ gĩɔ. Ɓě kánáìn caà-nyɔ̀ ɓěɔ̀ dyi. Ɓě zà zùù gbà ɓě nyɔǔn mú. Ḿ nyí ɓě kpé, ɓɛ́ ɓě ké ɖɛ ɓěɛ̀ nyu. Ɔ jèɛɛ, ɓě mɛ nyuɛ pídyi, ɓɛ́ ɓě ké se pɛ́ɛ̀-ɖɛ̀ ɖò mɔ́.

Ɔ jèɛɛ, ɓěǐn ɖá ɓɛ́ ɓě ké fɛ̃̀ìn. Ɓě kpa ɖɛ mìɔ ké ɓě zi dyùǐ kúɖúú dyí.

“Ɓě ní poɛ̀n hwìɖǐi kà ɓɛ́ ḿ dyi ma ɓóɖó-kpàà kɔ̃, ɓɛ́ ḿ ké ma gìɖìǐ dyà kɛ. Ḿ se gìɖìǐ dyàǔn dyi, kɛɛ ḿ dyi, ɓɛ́ ḿ ké gàsíà dyà.