Priljubljene svetopisemske vrstice iz Маттэ 24

Deli

Бзэджагъэм къызэрэхэхъощтым къыхэкӀэу, цӀыфыбэмэ яшӀулъэгъуныгъэ чъыӀэ хъущт. Ау кӀэухым нэсыфэ теубытагъэ зиӀэр мыкӀодэу Тхьэм къыгъэнэжьыщт.

Ау Тхьэм и Тетыгъошхо ехьылӀэгъэ къэбарышӀур чӀылъэм тыдэкӀи щагъэӀун фае, цӀыф лъэпкъ пстэуми апашъхьэ шыхьат щыхъунхэм пае. Ащ нэужым дунаим икӀэух къэсыщт.

Благъэми чыжьэми зэо къэбар зэхэшъухыщт, ау шъо шъумыщын. А Ӏофхэр къэхъунхэ фае, ау дунаим икӀэух ащыгъум къэсыгъэгоп.

Зы лъэпкъыр адрэ лъэпкъым, зы пачъыхьагъури адрэ пачъыхьагъум езэонэу къэтэджыщт. Гъаблэхэри къэхъущтых, чӀыпӀэ-чӀыпӀэхэми чӀыгур инэу ащысысыщт. А Ӏофхэр зэкӀэ къиныбэ щэчыным иублапӀ ныӀэп.

Уашъомрэ чӀылъэмрэ кӀодыжьыщтых, ау сэ сигущыӀэхэр кӀодыжьыщтхэп.

– Сыда пӀомэ, сэ сцӀэкӀэ зэджэжьхэу, «Сэ сы Христос» аӀоу, цӀыфхэу къэкӀощтхэр бэ хъущтых, цӀыфыбэхэри агъэпцӀэщт.

– ЦӀыфхэм шъо къин шъуагъэщэчыным пае, тетыгъо зиӀэхэм шъуарагъэубытынышъ, шъуарагъэукӀыщт, сэ сцӀэ зэрэжъугъэлъапӀэрэм паий, лъэпкъ пстэуми шъуауджэгъущт. Джащыгъум цӀыфыбэ шӀошъхъуныгъэм игъогу текӀыщт; зым адрэр тетыгъо зиӀэхэм аригъэубытыщт, зым адрэри ыуджэгъущт. Пегъымбар нэпцӀыбэхэр къэлъэгъощтых, цӀыфыбэхэри къагъэпцӀэщт.

– Зыми шъукъызэримыгъэпцӀэщтым шъуфэсакъ, – ариӀожьыгъ Исус.

Арышъ, шъори шъухьазырын фае, сыда пӀомэ, ЦӀыф Лъэпкъым ы Къо къэкӀожьынэу шъузымыгугъэрэ сыхьат горэм дунаим къытехьажьыщт.

– Арышъ, шъумычъыеу шъусакъ, сыда пӀомэ, Зиусхьаныр дунаим къызыкӀожьыщт мафэр шъушӀэрэпышъ ары.

– Ау а мафэри а сыхьатри къызысыщтыр зыми ышӀэрэп. Уашъохэм ащыӀэ мэлэӀичхэм ашӀэрэп, Тхьэм ы Къуи ышӀэрэп. Ты лъэпӀэ закъор ары ныӀэп ар зышӀэрэр.

сыда пӀомэ, Христос нэпцӀхэмрэ пегъымбар нэпцӀхэмрэ къэлъэгъощтых. Ахэмэ нэшэнэ гъэшӀэгъонхэри, Ӏофышхо гъэшӀэгъонхэри къагъэлъэгъощтых, алъэкӀымэ, Тхьэм къыхихыгъэ цӀыфхэри агъэпцӀэнхэм пае.

Пегъымбар Нухьэ имафэхэм адэжь Ӏофхэр зэрэщытыгъэхэм фэдэу, ЦӀыф Лъэпкъым ы Къо дунаим къызыкӀожьыщтым дэжь Ӏофхэр хъущтых. Сыда пӀомэ, псы къиугъэшхор къэмыкӀуагъэу, а мафэхэм цӀыфхэр шхэщтыгъэх, ешъощтыгъэх, къащэщтыгъ, дакӀощтыгъэх, Нухьэ къухьэм зитӀысхьэгъэ мафэм нэсыфэкӀэ. Къэхъущтыр амышӀэу псы къиугъэшхор къакӀуи, ахэр зэкӀэ ыхьыгъэх, ытхьэлагъэх. Ащ фэдэу ЦӀыф Лъэпкъым ы Къо дунаим къызыкӀожьыщтым дэжь Ӏофхэр хъущтых.