Priljubljene svetopisemske vrstice iz Матта 24

Deli

Къайдасузвалар гизаф артухъ хьпаз лигну, гизафдарин сар-сарихьна ккунивал цӀиб хьибди. Гьамрар вари шли аьхиризкьан аьх гъапӀиш, гьадму дюрхну хьиди.

Гьарсаб миллетдиз ебхьруганси, Аьршарин Паччагьлугъдикан Ужувлан хабар вари дюнʼяйиъ рабгъиди, гьадмуган гъиямат йигъ улубкьиди.

Гьацира учвуз багахь ва ярхла дявйирикан ебхьидичвуз. Лигайгьа, гучӀ мапӀанай, фицики мурар духьну ккуни ляхнар ву, амма му сабан аьхир дар.

Фицики халкь халкьдиин, паччагьлугъ паччагьлугъдиин алархьиди. Гашʼвалар ахьди, жюрбежюр йишвариъ жилар тӀурччвиди. Мурар вари бедбахтваларин, бицӀир апӀру аьзабарси, сифте кӀулар ву.

Заварна жилар ккадахьиди, хъа Йиз гафар дургидар.

Фицики гизафдар: «Узу Месигь вуза» кӀури, Йиз ччвурнаккди гъиди ва гизаф халкьар алдатмиш апӀиди.

Гьадмуган учвуз аьзабар тувди ва учву йивну йихиди; учву, Йиз ученикар хьпаз лигну, вари халкьариз даккун хьидичва. Гьадмуган гизафдар хъугъвалихьан ярхла хьиди. Сари-сар масу тувуз хъюгъди, инсанарин арайиъ душманвал абхъди. Хъасин хайлин кучӀлин пайгъамбрар арайиз удучӀвиди ва дурари гизафдар алдатмиш апӀиди.

Исайи дурариз жаваб вуди кӀуру: – Лигайгьа, шликӀа учву алдатмиш дарапӀбан бадали, ихтият йихьай.

Гьаддиз учвура гьязурди гъузай, фицики учву ккилигури адру сяаьтна Инсаниятдин Бай гъиди.

Гьаци вуйиган, ул иливну мааханай, гьаз гъапиш ичв Агъа гъюру йигъ учвуз аьгъдарчвуз.

Я аьршарин малайикариз, я Бализ – саризра йигъ ва сяаьт аьгъдар, хъа сар Адашдиз аьгъя.

фицики кучӀлин месигьар ва кучӀлин пайгъамбрар удучӀвну, зурба аьламатнан лишнар улупуз хъюгъди. Дурар, чпихьан шулуш, гьелле Аллагьди кадагънайи касарра алдатмиш апӀуз чалишмиш хьиди.

Нюгьдин йигъари фици гъабхьнуш, Инсаниятдин Бай гъювалра гьаци хьибди: жилиин шид улубчӀвайиз улихьна Нюгь чан гимдиъ учӀву йигъʼина гъяйиз, вари фици ипӀури-убхъури, швушвар хури, швуваз гъягъюри гъахьнуш ва шид улубчӀвайиз фици фтинкӀа фикир ктарди гъахьнуш, Инсаниятдин Бай гъювалра гьаци хьибди.