Priljubljene svetopisemske vrstice iz Mateyo 24

Deli

Kwa kuti ubezi wa mbulingwa utagisa koshe koshe, wangi lukundisho lwawe lutahola. Miya ndiye azizimize mpaka bindilizo, ne ndiye ahone.

Kangi unu uiau wa uzumbengwa unebilikilwa mwe ngulu ngima, uγalukile mbaii zoshe uwona! Ivi vikibontoka, bindilizo jitakinta.

Shuti muneiva mbuli za nkondo na ulongo wa nkondo; violelei, mshevishentuke! Hambu viya shuti vibontoke, miya hata aho bindilizo nkajizati jibule.

Hambu mbali na mbali zitainukilana, hata wazumbe na wazumbe weyae wawe, hantu haṅwe na haṅwe hatagwa sala, hata mididimo neizinke. Viya vyoshe ne chandilo cha mishango.

Lwingu nezelubanike, hata inu shi, miya mbuli zangu nkezezibanike.

Hambu wantu wangi watazalawila mwe zina jangu wakiγamba: Imi ni Kilisito, wataazaγanya wangi ivyoho.

Haja watamigela ukiwa, wamikome; nemshukiziγwe ni mbali zoshe kwa mbuli ya zina jangu. Ne ndiho wangi nezewaihilwe, wainkilane wenye na wenye kwa kushukizanya. Wateγanyi wangi wa ulongo watainuka, wataazaγanya wangi.

Yesu azawahitula, azawati: Oleleshai, muntu ashezamiazaγanya!

Kwa ivyoho hata inywi kiteγei! Hambu ṅwanangwa ywa muntu atazaizila, mushihomwafiza.

Kwa ivyoho gonai mesho! Hambu nkamtaila mushi, ndiwo Zumbe ywenyu alawile nawo.

Miya mbuli ya mushi ao ya saa nkakuna mweitaila, hata walau wa lwingu nkawaitaila, hata ṅwanangwa nkaitaila, ni Tate ike du.

Hambu Wakilisito wa ulongo na wateγanyi wa ulongo watazainuka, watazaγoshola vilozo na vimaka vikulu, waazaγanye, ati vyadahikana, hata waja washaγulwewo.

Sa mbuli ziγendilevyo mwe mishi ya Nowa, ne ndivyo ziγende, ṅwanangwa ywa muntu ahozauyiya. Hambu sa viyaho waikalevyo mishi ija ilongoleyo uja mlaho wa mazi, wakija, wakinywa, wakiteγula, wakiteγulwa mpaka uja mushi, Nowa akiingila mwe chiya kibweta, wakishetaila iyo mbuli, mpaka mlaho wa mazi ukigwa na kuwabinda woshe: Ne ndivyo mbuli ziγende hata aho, ṅwanangwa ywa muntu ahozauyiya.