Priljubljene svetopisemske vrstice iz Tio 11

Deli

Pet etulvaq sinkʼatza, jatvaʼlxh ex, uvaʼ uqliy ex, atz kʼaxbʼiy vet ex taʼn inqʼa paʼv. Tan inetz toq bʼanon uvaʼ yeʼ laʼ oleʼv vet u paʼv setiʼ. Echetz toq etilane sinkʼatza.

Tul tzumxh etiqʼot vinyolbʼal sinkʼatza, eche kaʼvoʼq yakʼa vaʼk uvaʼ tzumxh nik motx ibʼen tiʼ tiqʼot invaʼq iqatz. Tul ilvaq etetz sinkʼatza uvaʼ tzʼuʼkinla aanima in. Atz nik viqʼo kuʼl vibʼ vatz quBʼaal Tiuxh. Tan oq aʼ laʼ txhʼuyeʼvik ex s-viʼ, tul toqetz eleq ilanchil kʼatz quBʼaal Tiuxh.

Tan yeʼ kuxh tzaʼl, atz yeʼ kuxh al laʼ etiqʼot vinyolbʼal, eche itxhelet kaʼvoʼq yakʼa vaʼk yuuka tiviʼ, —xeʼt Jesuus.

Tul ech tal Jesuus xoʼl inqʼa xaol s-eche: —Jankʼalxh inqʼa kam uvaʼ nik inbʼaneʼ, tan ayaʼl inqʼae qat tal vinBʼaal inbʼantaʼ. Tan taʼn kuxh in ootzaqin tetz vinBʼaal. Pet yeʼxhabʼil invaʼq ootzaqin tetz. Tan at t-inqʼabʼ oq laʼ insaʼ tootzaqit u xaol vinBʼaal. Tul taʼn kuxh u quBʼaal ootzaqin tetz u viqleʼm, in viKʼaol. Tul yeʼxhabʼil invaʼq ootzaqin. Pet taʼn ootzaqin vetz inqʼa nik niman in, tan qat inkʼutxhl s-te kam viqleʼm kʼatz vinBʼaal.

Yaʼne ech tal Jesuus te inqʼa nikich itxhus tibʼ kʼatz Xhun s-eche: —Bʼenoq ex. Tul bʼenoq etal te Xhun kam uvaʼ nik etil inbʼantaʼ, atz kam uvaʼ nik etabʼi valtaʼ. Tan il inqʼa tzot nik motx tilon veteʼ. Atz il inqʼa koyel ibʼenaʼ, bʼaʼn vet ixaoneʼ. Atz kʼuxh inqʼa qʼajchil nik bʼanon vitxhiʼoʼl, tan qat motx ey vet el u yaabʼil tiʼ vitxhiʼoʼl. Atz il inqʼa txhakan, nik motx tabʼin veteʼ. Atz kʼuxh inqʼa kamnaʼq, tan ile itzʼeʼvy vet inpaqte. Tul il inqʼa bʼaʼnla txhaq yol tiʼ vibʼant quBʼaal Tiuxh iqʼesalil t-taanima inqʼa xaol, nik motx ipaxsal vet xoʼl inqʼa meebʼaʼ.

Jaʼletz ex, uvaʼ nik abʼin inqʼa yol uvaʼ nik valeʼ, tul bʼanvaq yaʼl tiʼ tootzaqileʼ.