Priljubljene svetopisemske vrstice iz Loma 5

Deli

Atu ide keke toyamumu au aimo tokoyona tu Keliso ide fa'ideya gi'alika. E, hidede amine Yaubada yana nuwanuwa lakahina ide agaideya giseyemaunena higa ide aimo tokoyona tu Keliso gi'iveninisena be fa'ideya gi'alika.

Ada au makewa higa keke kanalauboda-wayoga. Yaubada Alu'aluwa Mahalina agaideya gihawahegena be higa Yaubada yana nuwanuwa lakahina lakahi-mo'ena nuwahinagedeya kana'aya'ayaunena. Hidedemi Yaubada yana nuwanuwa lakahi-mo'ena agaideya ka'aya'ayaunena fa'ina, keke kanalulauboda-wayoga yo kanawowomumu.

Kadu'e keke mena kaiwabugaga fa'ina kadavemwamwala. Au vita tulina tulina kaliva nimadiya kavaivaina-ma fa'ina kavemwamwala. Fa'ina kahalamanena ka'i vita tulina tulina agaidiya kanamidi toyogina, au vitai-dina guwana atuvefa'ila. Ada ka'i vita tulina tulina agaidiya kana'atu'atuvefa'ila, au Yaubada gina'italuveluveda-yo ginahawaveyamumuyeda. Ada ka'i yada atuvefa'ila fa'ina Yaubada ginahawaveyamumuyeda, au aimo Yaubada buye kanakaiwabu ana tova fa'ina kanalulauboda.

Tu Yesu Keliso againe kavetumagana fa'ina, Yaubada giseda yegayegadeyao Bana matane. Ada au hidede amine kayegayega Yaubada matane fa'ina, ide Yaubada buye kaveyao ada mena veyao yada Kaiwabu Yesu Keliso againe give'inuba. Yesu Keliso againe kavetumagana fa'ina, Bana'e Yaubada yana ala hinagene givega'auleda be tova adamoya yana nuwadoga ka'aya'ayaunena, ada kalulauboda vaita aimo Yaubada buye kanakaiwabu fa'ina kavemwavemwamwala.

Wa'ita, ide kowakowadeyao fa'ina keke adafaiweya taudeyao kada'ihagihagiyeda. Ide aimo kowakowadeyao ana toveya Keliso ide Yaubada ana tovekwaulauga fa'ideya gi'alika. E, tova giluboda-mo'ena againe Keliso ide fa'ideya gi'alika.

Keliso dayagina gimadu-yo kayegayega Yaubada matane fa'ina, kadu makewa'e Bana'e Yaubada yana ila'a againe ginakibababaleda be yada koyona fatana keke kananuhagani.

Kadu kaliva sa'eyana Yaubada yana vehimeya gidibutoyogena fa'ina, kaliva moya'aida kavetokoyona. Meda anafaiweya Kaliva sa'eyana Yaubada yana vehimeya gidibumuhigena fa'ina, moya'aida kavetoyegayegana Yaubada matane.

Kadu'e keke veyaogaga fa'ina kadanuwave'avina. Au tova adamoya yada Kaiwabu Yesu Keliso yada veyao ahe gifaisewana fa'ina Yaubada yada vemwamwala giveleda.