Priljubljene svetopisemske vrstice iz Loma 2

Deli

Au o vaita hakwadi yo unuwanuwa vaita Yaubada yana laufata una'oseni? Mali kaliva yadi koyona fa'ina uhawavekoyoyedi tu o tauni koyonai-dina ufifaisewadi. Makewa o keke afaiweya Yaubada yana laufata una'oseni. Yaubada gihinekalikaliye. Ya koyona fa'ina keke gidamadulaufata, au gi'atuvefa'ile. Mena yana hinekalikali yana atuvefa'ila fa'ina ma'i uwowomumuyena o ka'i keke? Vaita udahalamaneni Yaubada gihinekalikaliye be higa ya dewa koyona unahegeni-yo Bana againe unahagavila.

A, o'eni-ma mali kaliva yana dewa koyona fa'ina uhawavekoyoyena. Ugahe ugayo, “Bana gikoyo fa'ina Yaubada aimo ginalaufata.” O keke unagahe fa'ina koyona kadu mene o againiya gidadauda. Hida hima koyonai-dina bana gififaisewadi-ma kadu o ufifaisewadi fa'ina, bana uhawavekoyoyena tu kadu o tauni uhawavekoyoye.

Fa'ina Yaubada yana laufata tunutunugina. Ka'i kwanamiYuda o ka'i keke kwanamiYuda tu yo'o tulina kalivana digo, adi laufata leleleya.

Wa'ita, gaveyao yegayegadiyao Yaubada matane? Keke vehimeya ana tonogala. Au vehimeya ana to'idibumuhiga yegayegadiyao Yaubada matane. Ka'i tamo hakwadi vehimeyai-nadi gida'ita'itave'avina, kadu medema fa'ine Yaubada gidagahe gidagayo, “Bana kaliva yegayegana Iya matakuya.”

Kaliva sa'eyana sa'eyana gavaimi gavaimi hihuluhuluva, ka'i yamumuna o ka'i koyona, medemi adi laufata Yaubada ginaveledi.

Tu kaliva tufoidi taudiyaogaga yadi nuwanuwa hi'ita'itave'avina ada nuwanuwa velemo'ena hikilokilowena kadu dewa koyona himulimuliyena. Yaubada badi kalivai-dina agaidiya gina'ila'a be adi matahiwadi ginaveledi.

Tu ide omi miYuda wanogali! Nuwami fanifanina kadu tagami kuluna ada keke wadahagavilami fa'ina, yami koyona ana laufata wakikiveba'una. Aimo tova mulina Yaubada kaliva ginavedewayaugida tunutunugina be badi koyodiyao yana ila'a guwana hinanuhagana ana toveya, yami koyona ana laufata lakahi-mo'ena wanavaina.