Priljubljene svetopisemske vrstice iz Mātiu 24

Deli

Pea koeʻuhi̇̄ ko e fakautuutu ʻa e kovi̇́, ‘e faka‘au ke mokoteilo ʻa e ʻofa ‘a e kakai tokolahi. Kae ‘ilonga ha taha ‘e kātaki ‘o a‘u ki he ngata‘angá, ‘e fakamo‘ui ia.

Ka ko ʻene toki ‘osi pē ‘a māmani kātoa hono malanga‘i ki ai ʻa e Ongoongo Lelei ʻo e Pule‘angá, pea ‘e toki hokomai leva ʻa e ngata‘angá.”

Peá te mou fanongo talanoa ki ha ngaahi tau mo ha ngaahi fakalanga tau, kae tokanga na‘a mou ilifia ai. He kuo pau ke hoko ha ngaahi me‘a pehē: ka ‘e ‘ikai ʻuhinga ia kuo vave ʻa e ngata‘anga ‘o māmani̇́.

He ‘e tu‘u hake ʻa e fonua ko eé ke nau tau mo e fonua ko eé, mo e pule‘anga ko eé ke tau mo e pule‘anga ko eé. Pea ‘e hoko ha ngaahi honge mo ha ngaahi mofuike, he ngaahi feitu‘u kehekehe. Ka ko e ngaahi me‘á ni kotoa, ko e kamata‘anga pē ia ‘o e ngaahi faingata‘a ‘e hokó.

Pea ‘e mole ʻa e langi̇́ mo māmani, ka ‘e ‘ikai ʻaupito mole ʻeku ngaahi leá.”

He ‘e omi ha tokolahi ‘i hoku hingoá, ʻo nau tala, ‛Ko e Mīsaiá au!’ Peá te nau takihala‘i ha tokolahi.

Pea ‘e toki puke kimoutolu ‘o tuku atu ke tautea mo tāmate‘i, pea ‘e fehi‘anekina kimoutolu ‘e he kakai kotoa koeʻuhi̇̄ ko au. ‘I he taimi ko iā, ʻe tokolahi ʻa e kakai ‘e mole ‘enau tui̇́. Te nau fefakaʻiloʻaki mo fetāufehiʻaʻaki. Pea ʻe tokolahi ʻa e kau palōfita loi̇́ ʻe haʻu, pea te nau takihala‘i ha tokolahi.

Pea tali ‘e Si̇̄sū, ‟Mou tokanga na‘a takihala‘i kimoutolu ‘e ha taha.

Pehē foki mo kimoutolu, ke mou mateuteu ma‘u pē, he ‘e hokomai ʻa e Foha ʻo e Tangatá, ʻi ha taimi ʻe ʻikai te mou ʻamanaki ki ai.”

Mou tokanga! He ‘oku ‘ikai te mou ‘ilo ʻa e ‘aho ‘e ha‘u ai homou ‘Eiki̇́.

‟Ka ‘oku ‘ikai ha taha te ne ‘ilo pē ‘e hoko fakakū mai ʻa e ‘aho mo e houa ko iā; ‘oku ‘ikai ‘ilo ‘e he kau ‘āngelo ‘i Langi̇́, pea na‘á mo e Fohá, ka ko e Tamai̇́ toko taha pē ‘okú naʻe ʻafioʻi.

He ‘e hopo hake ha kau mi̇̄saia loi mo ha kau palōfita loi, pea te nau fai ha ngaahi mana lalahi mo ha ngaahi me‘a fakaofo ke takihala‘i ʻaki ‘a kimoutolu kuo fili ‘e he ‘Otuá.

Ko e hokomai ʻa e Foha ʻo e Tangatá, ‘e hangē ko e me‘a na‘e hoko he kuonga ‘o Noá. He ʻi he te‘eki ke hoko ʻa e lōmaki̇́, na‘e kai mo inu pē ʻa e kakai̇́, mo nau femaliʻaki, ‘o a‘u pē ki he ‘aho na‘e heka ai ‘a Noa ki he ‘A‘aké. Na‘e ‘ikai te nau misi ‘e ai ha me‘a ‘e hoko, kae ʻoua kuo tō mai ʻa e lōmaki̇́ ‘o tafiʻi kotoa ai. ʻE pehē pē foki mo e hokomai ʻa e Foha ʻo e Tangatá.