Psalm 95
95
Wa lū klik dunḵ-īdūyū-kl gāda kumtum.
Venite Exultemus Domino.
Psalm 95
1Kīla kunts dunḵulī kā unts Gīyā:
ekī-kālā lā hyints as qāqila īnāya sī gāḵunts.
2Gāḵ lā hyints lākī kunts mūmul kyāli:
glū kunts nītlī sunts ek-kusilā inā yints zilwākā kī.
3Kā wālāzīnāyas qīxdum ā sints Gīyā:
wālas ḵād Gīkumī īkyā kāwīs nāhwā gī-gīkurnāya.
4Yiḵ āyāsau sī dātlā ḵwā nāhwāk awīnāgwīs a:
glū tlāhwāyāḵ sa na-ungēḵ hus um ḵa ā kī.
5Ḵwā dums-hyīḵ hus um kī, kā īḵs hī ma ā uḵē nūq wūtl tsūḵ:
hī um ḵa ī āyāsau sī uḵē nūq wūtl tsa lumhwāḵ awīnāgwīs.
6Kīlā kunts umyākī:
kunts klāk-wālītlī lāḵ nukumā lītlas baqīlī nūqa unts.
7Kāḵs hīma ā Gīyī ḵunts Ikē-Gīkumāya:
nūgwā mī sints humgīlā sū sī.
8Ḵwā nālāḵ kāk dāḵw sū wūklilā lāḵ Kī:
qālā pīsā mas ḵūs nī-naukāyīḵ hī qīx ī da yaīksām ūtla Ḵunts Umpā lākā lūblabīs.
9Yiḵs lā ūtlā sīs wī-ūmp wūtla ūs hawāni kulūtl Gāḵun:
wāh ma ūtla la ūlūkl Gāḵun, glū dūḵwā-klilāḵun qīgīlas.
10Mūskum gūs tauḵ unḵīla ūtlik tlālāwil kulā matsūs gada līlqalāklīk, lūtlin nīk:
klīqitl tūdik dāḵwā īḵ lāḵīs nī-naukāyīḵ, kāḵs kīs dāḵwā īḵ kauklilā ḵun qāīnāyī.
11Yiḵun nīk sa wūtla lāḵun yākyā yī:
kā kīs dāḵwīs la-īkl lāḵun hyūsīdī.
Aktuálne označené:
Psalm 95: Kwak
Zvýraznenie
Zdieľať
Kopírovať
Chceš mať svoje zvýraznenia uložené vo všetkých zariadeniach? Zaregistruj sa alebo sa prihlás
Historical texts first published by the British and Foreign Bible Society 1882-1897. These texts were digitised for the Canadian Bible Society.