Забур 137

137

Куьмекдай Аллагьдиз шукур авун

1 Давудан дуьа.

Жуван вири рикӀелди Ваз шукурда за;

аллагьрин вилик Ви тарифда манидалди.

2Икрамда вилик Ви пак Ибадатханадин,

Ви тӀварцӀиз шукурда

Ви регьимдайни Ви гьакъикъатдай,

куьз лагьайтӀа виридалай

виниз Вуна хкажна

Ви гафни Ви тӀвар.

3За эверай юкъуз Вуна жаваб гана заз,

кӀубан авуна, мягькемна зи рикӀ.

4 Ребби! Ваз чилин вири пачагьри шукурда

Ви сивяй ван хьайи чӀавуз.

5Абуру мани лугьуда рекьерикай Реббидин,

куьз лагьайтӀа чӀехи я Реббидин баркалла.

6Кьакьан я Ребби,

амма къайгъу чӀугвазва умундан,

кьама ялар авайди чир жезва яргъалай.

7ФейитӀани бедбахтвилин юкьвай зун,

Вуна зал чан хкида,

зи душманрин хъиляй Вуна

залди яргъи ийида Ви гъил,

зун хиласда Ви эрчӀи гъили.

8Зун паталди фикирнавай

къаст кьилиз акъудда Реббиди.

Я Ребби, Ви регьим вири вахтар патал я,

Жуван гъилерин крар гадармир.

Aktuálne označené:

Забур 137: ЛезПК

Zvýraznenie

Zdieľať

Kopírovať

Chceš mať svoje zvýraznenia uložené vo všetkých zariadeniach? Zaregistruj sa alebo sa prihlás

Zistiť viac o Пак Калам