Забур 124

124

Аллагьдин далдадик хьун

1Зиярат ийидайла лугьудай мани.

Сигьан дагъди хьиз,

Реббидик умуд кутунвайбуру

ян гудач, амукьда абур даим яз.

2Ярусалим дагълари

элкъуьрна кьунвайвал,

гьакӀ Реббиди Вичин халкь

элкъуьрна кьунва

исятда ва даим яз.

3Небгетрин гьукумдин лаш

аламукьдач гьахъ-михьибурун чилин винел,

гьахъ-михьибуру чпин гъилер

мурдарвилихъ яргъи тавун паталди.

4Нуьсрет це, Ребби,

дугърибуруз, дуьзбуруз чпин рикӀяй.

5Чпин чӀуру рекьерай

физвайбурукай лагьайтӀа,

абур негьда Реббиди

небгетвилер ийизвайбурухъ

галаз санал.

Исраилдиз – саламатвал!

Aktuálne označené:

Забур 124: ЛезПК

Zvýraznenie

Zdieľať

Kopírovať

Chceš mať svoje zvýraznenia uložené vo všetkých zariadeniach? Zaregistruj sa alebo sa prihlás

Obľúbené biblické verše z
Забур 124