Забур 123

123

Чаз Аллагьдилай куьмек атун

1Зиярат ийидайла лугьудай мани. Давудан дуьа.

Ребби алачиртӀа чи патал, –

лугьурай Исраилди, –

2Ребби алачиртӀа чи патал

чал инсанри вегьей чӀавуз,

3абуру чун туькьуьндай чан алаз –

чакай абуруз къведай хъел

къати хьайила.

4А чӀавуз чун ятари туькьуьндай,

чи винелай сел фидай.

5Гур ятари

кьадай чун.

6Шукур хьуй Ваз, я Ребби,

чун гъуьрч яз абурун сухварик

кутун тавурди.

7Лув гана чна, къушари хьиз,

гъуьрчехъанрин чилерай,

чил къазун хьана, лув гана чна.

8Чаз авай куьмек

тӀварцӀе ава Реббидин,

цаварни чил халкь авур.

Aktuálne označené:

Забур 123: ЛезПК

Zvýraznenie

Zdieľať

Kopírovať

Chceš mať svoje zvýraznenia uložené vo všetkých zariadeniach? Zaregistruj sa alebo sa prihlás

Zistiť viac o Пак Калам