Забур 112
112
Аллагьдин чӀехивал ва регьим
1Тариф ая Реббидин!
Агакьра Реббидив тариф, Реббидин лукӀар,
агакьра тариф Реббидин тӀварцӀив!
2Шукурдик хьурай Реббидин тӀвар
исятда ва даим яз!
3РагъэкъечӀдай патай рагъакӀидай патаз кьван
тариф хьурай Реббидин тӀварцӀин.
4Хкажнава Ребби халкьарал вири,
Адан баркалла цаварилай кьакьан я.
5-6Вуж гекъиг жеда чилерални цаварал
Реббидив, чи Аллагьдив?
Цавара тахтуна Ацукьнавай Ам,
чилел агъада вуч аватӀа Килигзавай Ам?
7Ада кесиб хкудзава руквадикай,
саил акъудзава кьарадай,
8ацукьарун патал абур регьберрин патав,
Вичин халкьдин регьберрин патав.
9Аял тежер дишегьли
тухузва кӀвализ
бахт авай диде яз.
Тариф ая Реббидин!
Aktuálne označené:
Забур 112: ЛезПК
Zvýraznenie
Zdieľať
Kopírovať
Chceš mať svoje zvýraznenia uložené vo všetkých zariadeniach? Zaregistruj sa alebo sa prihlás
© Институт перевода Библии, 2010-2024