Obľúbené biblické verše z Matiyo 18

Zdieľať

Kay kun awun duwa aw tulu ya mangintu-uway na magkatipun dun ni kanak ngalan, awun saba aku ni tampid nilan.”

“Aw matinaw uman ya un ku paglongun kamayu: Kun duwa kamayu asini tas na lupaꞌ ya magkasambuk ya ginawa sa pangkay unu ya sekaten mayu dun ni panawagtawag, atag saba na Ama ku na awun ni tas na langit.

Aw migtawag si Jisus sa sambuk na tagbiꞌ na iseꞌ aw pigpa-indeg nan adti tengaꞌ nilan. Aw piglongan nan ya kanan manga umagakan, “Matinaw saba ya un ku paglongun kamayu: Kun diliꞌ ma-uman ya anenganeng mayu aw diliꞌ kamu magpadalem kasiling na tagbiꞌ na iseꞌ, diliꞌ kamu makaseled adti Kasakupan na Pighari-an na Tyumanem.

Manang pangkay singalan ya magpadalem kasiling na iseꞌ ini, yan ya utaw na to-o matas dun ni Kasakupan na Pighari-an na Tyumanem.

Aw pangkay singalan kamayu ya dumawat sa utaw na madalem kasiling na iseꞌ ini asuntu sa pagdalug mayu kanak, dun da aku nan uman dawata.

“Matinaw ya un ku paglongun kamayu: Kun unu ya pigpigil mayu asini tas na lupaꞌ, yan uman ya pigpigil dadan na Tyumanem adti tas na langit. Kun unu ya pigtumbay mayu asini tas na lupaꞌ, yan uman ya pigtumbay dadan na Tyumanem adti tas na langit.

Maynan uman ya imo-un na Ama ku na awun ni tas na langit adti tagsambuksambuk kamayu, kun diliꞌ mayu tengteng pasinsiya͡an ya salaꞌ na manga eped mayu na mangintu-uway.”

“Manang kun awun utaw na migpadalem na nyangintu-u kanak, aw kun buyuwun sakanan adti pagpakasalaꞌ, ya utaw na magbuyu madyaw pa baling kanan kun tati-an ya liyeg nan na dakulaꞌ na gilingan na batu aw ulugun sakanan adti kalaleman na dagat.

“Unu ya anenganeng mayu sa ini? Alimbawaꞌ, kun awun utaw na nyakatagtun sa sanggatus (100) ya karniro, aw awun sambuk na nyakasuway, unu ya un nan imo-un? Endaꞌ! Ayawan nan saba dagawdagaw ya kasiyaman tag siyam (99) dun ni panabtabanan aw paninawun nan ya sambuk na nyakasuway.