Obľúbené biblické verše z ມັດທາຍ 18

Zdieľať

ດ້ວຍວ່າ ມີ​ສອງ ຫລື ສາມ​ຄົນ​ມາ​ຮ່ວມ​ເຕົ້າໂຮມ​ກັນ​ໃນ​ນາມ​ຂອງ​ເຮົາ​ຢູ່​ບ່ອນໃດ ເຮົາ​ກໍ​ຢູ່​ກັບ​ພວກເຂົາ​ໃນ​ບ່ອນນັ້ນ”.

“ເຮົາ​ບອກ​ພວກເຈົ້າ​ຕາມ​ຄວາມຈິງ​ອີກ​ວ່າ​ຖ້າ​ສອງ​ຄົນ​ໃນ​ໂລກ​ເຫັນດີ​ຮ່ວມກັນ​ໃນ​ສິ່ງ​ໃດ​ສິ່ງ​ໜຶ່ງ​ທີ່​ພວກເຂົາ​ຂໍ, ພຣະບິດາ​ຂອງ​ເຮົາ​ໃນ​ສະຫວັນ​ຈະ​ກະທຳ​ສິ່ງ​ນັ້ນ​ໃຫ້​ແກ່​ພວກເຂົາ.

ພຣະອົງ​ເອີ້ນ​ເອົາ​ເດັກນ້ອຍ​ຄົນ​ໜຶ່ງ​ມາ​ຢືນ​ຢູ່​ທ່າມກາງ​ພວກເພິ່ນ. ແລ້ວ​ພຣະອົງ​ກ່າວ​ວ່າ: “ເຮົາ​ບອກ​ພວກເຈົ້າ​ຕາມ​ຄວາມຈິງ​ວ່າ, ຖ້າ​ພວກເຈົ້າ​ບໍ່​ປ່ຽນແປງ ແລະ ກາຍເປັນ​ເໝືອນ​ເດັກນ້ອຍ, ພວກເຈົ້າ​ຈະ​ເຂົ້າ​ໄປ​ໃນ​ອານາຈັກ​ສະຫວັນ​ບໍ່​ໄດ້​ຈັກ​ເທື່ອ.

ເຫດສະນັ້ນ, ຖ້າ​ຜູ້ໃດ​ຖ່ອມໂຕລົງ​ເປັນ​ເໝືອນ​ເດັກ​ຄົນ​ນີ້ ຜູ້​ນັ້ນ​ກໍ​ເປັນ​ໃຫຍ່​ທີ່ສຸດ​ໃນ​ອານາຈັກ​ສະຫວັນ.

“ແລະ​ຜູ້ໃດ​ກໍ​ຕາມ​ທີ່​ຕ້ອນຮັບ​ເດັກນ້ອຍ​ຜູ້​ໜຶ່ງ​ຢ່າງ​ນີ້​ໄວ້​ໃນ​ນາມ​ຂອງ​ເຮົາ ຜູ້​ນັ້ນ​ກໍ​ຕ້ອນຮັບ​ເຮົາ

“ເຮົາ​ບອກ​ພວກເຈົ້າ​ຕາມ​ຄວາມຈິງ​ວ່າ, ສິ່ງ​ໃດ​ກໍ​ຕາມ​ທີ່​ພວກເຈົ້າ​ຈະ​ຜູກມັດ​ໄວ້​ເທິງ​ແຜ່ນດິນໂລກ​ນີ້ ສິ່ງ​ນັ້ນ​ກໍ​ຈະ​ຖືກ​ຜູກມັດ​ໄວ້​ໃນ​ສະຫວັນ ແລະ ສິ່ງ​ໃດ​ກໍ​ຕາມ​ທີ່​ພວກເຈົ້າ​ຈະ​ແກ້​ໃນ​ແຜ່ນດິນໂລກ​ນີ້ ສິ່ງ​ນັ້ນ​ກໍ​ຈະ​ຖືກ​ແກ້​ໃຫ້​ຫລຸດ​ແລ້ວ​ໃນ​ສະຫວັນ.

“ເຫດສະນັ້ນ ພຣະບິດາ​ຂອງ​ເຮົາ​ຜູ້​ສະຖິດ​ຢູ່​ໃນ​ສະຫວັນ ກໍ​ຈະ​ເຮັດ​ຢ່າງ​ນັ້ນ​ແກ່​ພວກເຈົ້າ​ທຸກຄົນ ຖ້າ​ພວກເຈົ້າ​ແຕ່ລະຄົນ​ບໍ່​ຍົກໂທດ​ໃຫ້​ພີ່ນ້ອງ​ຈາກ​ໃຈ​ຂອງ​ພວກເຈົ້າ”.

ຖ້າ​ຜູ້ໃດ​ເປັນ​ຕົ້ນເຫດ​ພາ​ໃຫ້​ເດັກນ້ອຍ​ຄົນ​ໜຶ່ງ​ໃນ​ບັນດາ​ເດັກນ້ອຍ​ເຫລົ່ານີ້​ທີ່​ເຊື່ອ​ໃນ​ເຮົາ​ຕົກ​ໃນ​ບາບ ໃຫ້​ເອົາ​ຫີນໂມ້ແປ້ງ​ກ້ອນ​ໃຫຍ່​ຜູກ​ຄໍ​ຄົນ​ນັ້ນ​ແລ້ວ​ຖິ້ມ​ລົງ​ໃນ​ທະເລ​ເລິກ​ກໍ​ຍັງ​ດີ​ກວ່າ.

“ພວກເຈົ້າ​ຄິດ​ຢ່າງໃດ? ຖ້າ​ຄົນ​ຜູ້​ໜຶ່ງ​ມີ​ແກະ​ຢູ່​ໜຶ່ງຮ້ອຍ​ໂຕ ແລະ ໜຶ່ງ​ໃນ​ຈໍານວນ​ນັ້ນ​ຫລົງເສຍ​ໄປ ລາວ​ຈະ​ບໍ່​ປະ​ແກະ​ເກົ້າສິບເກົ້າ​ໂຕ​ໄວ້​ເທິງ​ເນີນພູ ແລ້ວ​ໄປ​ຊອກຫາ​ໂຕ​ທີ່​ຫລົງຫາຍ​ໄປ​ນັ້ນ​ບໍ?