Obľúbené biblické verše z Madiu 24

Zdieľať

Roae aunu raayo ora andaai epelea pange wenaali andapumi nimuna yangonu repara pu ada ei kongo relea. Go au puainya gole pa puri paloma alia wenaaliri Godeme su yaa peredea dina epa milia.

Gupuma go Godena Ki Rambuao-aya Eina Epe Angelere su yaa kuni raayona walalimi pange wenaali raayome pangelemendare gore su yaa go dina peredea.

Nimi repara yanda pilimi einu pange papare yanda pilimi einu pange pangeleme lisaya. Go peapare nimi na-keyalepape. Akepeare go aunuri ora pape aunu pia. Go aunu pilia einu andomare su yaa repara peredea kone na-sialepape.

Anda menda alimi repaa menda para yanda dimi pange kini alina repaame kini alina repaa menda para yanda pilimi pange andasu menda menda para rea waru pambelea pange su momoni andaai pilia lisaya. Go eiri ande wenanumi naki manduameyanda pimi dina ririna naki kou nala rupa manda lisaya.

Su yaa raayo pereda peapare nina angele komea pa sualia.

Akepeandare ali andapumi lalo ara nimuri ande Keriso loma angele deme eimi wenaali raayo makiralimi lisaya.

Gupumare nimi epa milimi pange wenaali menda para ademe pange go wenaalimi nimi ora lu komalimi. Nina bina amendare wenaali andapumi nimi rapu rono waru pangeleme pange yanda waru lu pilimi. Go naarena wenaali andapu Gode para nimuna kone rulaeme einu gialimi pange nimuna amenu para gole yanda runguli alinu repara mena yapa pilimi pange nimuna gole nimuna amenu repara yanda runguli ali mandana alimi. Payapo poropedi alinu andapu ipuma nimi epa makiralimi.

Yesumi nimu para lalore, Wenaali mendame nimina ange yolapana waru andere-alepape lisaya.

Go einare nimimi pange waru andere-alepape. Akepeare ande Alina Si Naki go naarena na-epelea kone suma ainya epelea.

Waru andere-alepape. Akepeare monde nena Reali epola pea naare nee kone na-wilinda lawa.

Wenaali mendame pange yaa nane aeme eindiolo alinumi pange Si Nakimi pange ande Alina Si Naki epola pea di kone na-wimipare Apa Godeme komea kone wia.

Gupuma nimu yayapi Keriso loaeme alinu pange payapo poropedi alinu opa pilimi. Gupuma wenaalimi andenaya nimu na-ande aunu andapu epa wademe. Gupumare Godena rali puma ma-ae wenaali pange epa makiraluame rapaleme.

Alina Si Naki epola pea eiri monde Noa nipuna naarena pisimiya einu manda. Monde ipa ambe na-risaya dinare wenaali andapumi repaalu au lala enda ipanu nala puaisimiya. Go au pa pairi pulu-ainyare Noa mo kawaso para pua kondo pambisaya. Go aunu pulu-ainya golere monde wenaalimi na-andisimiyapare ande ipa ra ipuma nimu munyaisaya ei andisimiya. Ande Alina Si Naki epelea dinare go au manda pilia.