Obľúbené biblické verše z Efesoĉantyidyes 5

Zdieľať

Miꞌin nash mạꞌjeyacdyety Jenꞌtyiꞌ ạvaꞌ muꞌ, mọꞌdyes jemoñeꞌ ferdyeꞌ yụꞌtiñeꞌ paj qui rụij cäc̣häꞌchuptinte dyijyedyeꞌ muꞌ. Räjĉan mạꞌjeyacsejamꞌ bäꞌjamꞌ, yojdyemꞌ muꞌ Cristo mạꞌjisinꞌ u, meꞌdye raꞌ miꞌin chimeꞌ mạꞌjeyacsi. Muꞌ anic där mạꞌjisinꞌ mọꞌdyes ĉụiꞌ jiꞌsäsdyi jiꞌijati tsundyes, mọꞌ jeñej buꞌyiꞌ jiꞌcoꞌshayacdyeꞌ Jenꞌdyes, meꞌ buꞌyiꞌ sänꞌdyeꞌ muꞌ, Mọꞌ jamaꞌjotyibuti Jenꞌ yojdyemꞌ jẹrejres tucdyeꞌ o, meꞌ shupquiꞌ sänꞌdyeꞌ muꞌ.

Mọꞌdyes jämꞌ raꞌ ĉujcati ĉụiꞌ miꞌin, dyijyedyeꞌtum raꞌ bäꞌyi miꞌin, jam raꞌ itŝiꞌ jétiñeꞌ dyijyedyeꞌ bäꞌyi miꞌin. Jam raꞌ fibiꞌ mọmoꞌ bäꞌyi miꞌin, räjĉan raꞌ carijtaqui Jenꞌdyes miꞌin ĉaĉaij na q̂uinꞌ daiꞌ muꞌyaꞌ ac̣hiꞌyity muntyiꞌ in.

Jam raꞌ tyédyeꞌyaꞌ yi miꞌin, mọꞌ raꞌ jedyeꞌ ĉụiꞌ jiꞌjämꞌtyiyinac, damꞌdye jämꞌ jụjbimac Jenꞌsiꞌ Ạꞌedyeꞌ muꞌ, paj qui mọꞌ bächänac. Jemoñeꞌ vaj meij jämꞌ p̂iyitidyeij miꞌin Jenꞌsiꞌ p̂eyacdyeꞌ muꞌ. Chimeꞌ raꞌ vaj meij p̂iyitidyeij miꞌin timaꞌcacdyes sánacdyeꞌ Jenꞌsiꞌ muꞌ judyeyaꞌ Jenꞌsiꞌ jimacdyeꞌ muꞌ, meꞌ meꞌ raꞌ vaj meij jiꞌchäyitidyeij miꞌin. Jimaĉamꞌ Ayodyes tsun, timaꞌquemac ĉojtyiꞌĉan miꞌin. Räjĉan raꞌ yoshoropaij jétinte Jenꞌ, muꞌ Ạvatusinꞌtyiꞌ tsun, Jesucristoscheꞌ tịj muꞌ, Ayoꞌ tsun jétinte, jedyeꞌ chuc jịꞌĉojtiñeꞌ jụijyaꞌ, meꞌ buꞌyi yoshoropaij jémac.

Mọꞌdyes jam raꞌ itŝiꞌ jétiñeꞌ dyijyedyeꞌ bäꞌyi miꞌin, damꞌdye jämꞌ fer dyijtutiñeꞌ miꞌin paj qui chịj miꞌin jedyeꞌ chuc mạꞌjeꞌ Ayoꞌ, meꞌ raꞌ bäꞌyi miꞌin.

Chimeꞌdye sonꞌ miꞌin, mạꞌjeyaĉamꞌ ĉụiꞌsiꞌ p̂en miꞌin, yojdyemꞌ muꞌ Cristo mạꞌjisinꞌ u anicjejaty muꞌ, mọꞌdyes muꞌ jiꞌsäsdyi jiꞌijati tsundyesiꞌ.

Jiquej miꞌin chimeꞌ tojmadyeꞌĉan bäꞌyi miꞌin. Q̂uinꞌ qui namꞌ aty mạyesĉan bäꞌyi miꞌin ĉaĉaij na aty Ayoꞌtyiꞌ miꞌin. Mọꞌdyes jemoñeꞌ räjĉan rụij bäꞌyi miꞌin, aty cäc̣häꞌchubitinte Jenꞌsiꞌ mạijquedyeꞌ muꞌ.

Seꞌvitac vaj meij miꞌin ĉaĉaij na vaj meꞌ irijyi Cristocheꞌ miꞌin.

Miꞌin p̂en, jemoñeꞌ seꞌvetinte vämtyiꞌ miꞌin, yojdyemꞌ meꞌ seꞌveja Ayoꞌ u

Meꞌ tsanꞌ meꞌ yiꞌ, miꞌindyes qui namꞌ ọij p̂eyacdyeꞌ yiꞌ: Miꞌin p̂enyaty mạꞌjeyaĉamꞌ ĉụiꞌsiꞌ p̂en miꞌin, judyeyaꞌ miꞌin p̂en chimeꞌ, ạ̈räjjeyaĉamꞌ ĉụiꞌtyiꞌ vämtyiꞌ miꞌin.

Mọꞌdye p̂eyeꞌ sánacdyeꞌ yiꞌ: "Meꞌdyes qui raꞌ muꞌ muntyiꞌ yacchuqui ĉụiꞌtyiꞌ jenꞌ muꞌ judyeyaꞌ tseꞌ muꞌ paj qui p̂entum bäꞌyi pạrej, yirity buꞌyi cạvacsi Jenꞌ", yiꞌ sánacdyeꞌ.

Jam raꞌ miꞌinmun cäc̣häꞌchucsebi dyijyedyeꞌ muꞌin, muꞌin tojmadyeꞌĉan bäꞌyity in, anic fibis dyijyedyeꞌ muꞌinsiꞌ in. Damꞌdye jämꞌ jéĉunacsi miꞌin muꞌin meꞌ dyijyity in paj qui jorojĉanyiꞌ mạijyisyaꞌ in