Obľúbené biblické verše z ROMANOS 12

Zdieľať

A'a jiquio meshijo nequica dejjamimishicuanaja ejjashahuabaquijji jayojja ba'esapea-aipojji. Eyacuiñajjiya ca quiana ca pea jjashahuabaquime capomeecapoquiahua. Oja ejjashahuabaquijji miquianaja esapadojjojo canequimeecahua queaja'a eba'epoquijji. Majoya miquianaya jama ba'epoquimajje queaja'a bapoquiaje Eyacuiñajjija ejjashahuabaquijjicuana miquianajaya eapoquiajji. Ojaya ejjashahuabaquijjicuana queapamenee poani, mimishima'nei. Ojaya ejjashahuabaquijji jayojja ese ba'epoquiani bamajje Eyacuiñajji queabihui poani esejo.

Ecue dohuecuana jjo'icuana Jesosaja epeejji, Eyacuiñajjiya eseya queapamenee queaneenee pomeecuaji'yojjima acani eseja mimishijo. Jamajjeya eyaya quiana huohuiajjaneineiaña miquianaja eyami o equiajjijo ojo echacochacopoquijji. Ma ecua yahuajo Eyacuiñajjija equi-aijo chacochacopoquiani dejjacuaa oveja naa jehuica'yapoa Eyacuiñajji quiajji, jama pea-aiya jjaquiaquime quiana oe pocue eshetii ba'e ojo queapame eba'epoquijji. Miquianaya jama jjaquiaquime pomajje, cua Eyacuiñajjiya chacomeesa-acaje quiaa apoquiaje o queabihui pomeejji. Jama poaniya Eyacuiñajji e'ejojonei bihuiapoquiaje quiaa.

Miquianajaya eba quijje Eyacuiñajjinijje anije'yo Eyajo, jamajjeya Eyacuiñajji miquiana ba'emeesahuajji poanijo queabihui ba'epoquicue jjeya. A'a queayenonee pocuajinanajji miquiana queacamajanee pomeejji poeajo. Queaca'a oe ba'epoquicue quiana. A'a oe Eyacuiñajjinijje mimipajea-ajjapoquijji pea-ai.

A'a queamimishi pojji joya mi queatai ajji epocuananijje esosejje. Oya ca oe queapame acue. Miquiaaya jama pomajjeya oya queapame epopea-aijji pomeesahuaje.

Miquiananijje ba'eca Jesosaja epeejjicuana queajeanee apoquiacue oya eseja dohuenei, eseja jjo'inei pea-ai poani Jesosajo. ¡A'a oe miquianaja eba'ejjijoneitii jjashahuabaquipoquijji! Queapame jjashahuabapea-aiquipoquicue peacuanajo o asahuapoquiajji epojji. Oya queapame pea-ai poani bacue.

E'ejojonei ojjaña miquiananijje ba'eca Jesosaja epeejjicuana queajeanee apoquiacue. A'a jamatii miquianaja enabaa queajea nisho ajji cuana. Cua queamimishi epojji queatai ca oe cajaanei acue. Cua queapame epojji oe apoquiacue quiaa.

Ojjañacuananijje queabei queneama ba'epoquicue. Jama posaya oe pocue quiana jamatii onaya jama posapo-ajjajo.

Ecue dohuecuana jjo'icuana, ecuea quiana queajeanee poani. A'a joya miquiana queanee pomeejji epocuana queacamaja pomeepea-aisa-ajji esosejje. Chojja, Eyacuiñajjiya oya queacamaja pomeecaje quijje oja mimishi huohui'yomajje. Ojaya esohui yahuajonei etehue jaa jama poani ba'a: “Eyayanei ojjaña joya ecuea epeejjicuana queacamaja pomeejji epocuana huohuije'yo queaja'a o queaneenee ponequijjijo. Eyaya majoya queaneenee pomeeje cuana” jamaya poa Emeshimesenei.

Eyacuiñajjijo hueya-amanei chacochacopoquicue quiana queaquijijjijajinee. A'a oe hueyahueyajji Eyacuiñajjija echacojji eapoquiajjijo.

Eyacuiñajji queapameneeyajjejojoya eya oja esohuihuohuiquinequijji epojji nequimeecanaje. Jamajjeya quiana eyaya huohuiaña a'a miquianayanei queaca'a poani poso jjabaquijji. A'a peacuana peajja jayojja ajji. E'ejojonei Eyacuiñajjiya miquianaya jjashahuabaquimeesahuaca'yonaje ojo. Ojaya echacojji ohuaya quiana ameesahuacani pea-ai. Jamaya quiana oe jjabaquipoquicue.

Onaa quiana queamimishi acajje, a'a oya queamimishi apea-aijji esosejje. Ojjañacuanaja ebajji queapame ba'epoquicue.

Queabihui, queabei pea-ai ba'epoquicue peacuananijje. A'a miquianayanei queapame poani poso jjabaquijji. A'a peacuana peajja jayojja bajji. Joya aema'cuananijje, ca'a-ama poanicuananijje pea-ai jjapeequicue. A'a miquianayanei queasapaja'anee poani poso jjabaquijji. Jamajjeya ojjañacuana queajeanee acue.

Eyacuiñajjija esohui etehue jaa jama poani pea-ai ba'a: “Joya miquiana botiamanei ajji poani queashoe poajo, oya bobiacue. Queanabataja poajo, ena quiacue oja eishijji. Miquiaaya jama ajje oya queabichonee poaje queamimishinee poani jjabaquimajje.”

Eyacuiñajjinijje queapame mimipoquicue joya mi queatai ajji poanicuanajo. A'a mimijji macuanajo jama ba'a: “Jiquio e queatai ajji poanicuana camanojeameeca'yahua Eyacuiñajjiya.” ¡Chojja, a'a jama mimime pojji! Jama mimime pocue ba'a: “Jiquio e queatai ajji poani queapame acue, Eyacuiñajji.” Joya queabihuinee poanicuananijje queabihui pea-ai pocue. Joya queayenonee panicuananijje ca papea-aicue.

Jesosaja epeejjicuana aema' poajo, queacamaja poajo, ba'emeesahuacue queabihuineeya. Joya miquianaque anicuaa poejecuana queapameya ja'ajjequicue miquianaja equiyasijje.

Bacue, esejaya eyami oe poani jamatii queahuiso eseja yamijo nequiani ba'a: ecojja, eshajja, ehui pea-ai. Ojjaña joya eseja yamijo nequiani oya jayojja pea-ai echacojji pojjeama poani. Oya jayojja pea-ai eseya Jesosaja epeejjicuana poani. Eseya queahuisonee poani, jamatii eseya oe eyami jayojja poani Quitojo. Eseya Quitojo ojee nequiani oya jayojja jjashahuabaquime pea-ai poani jiquio ecua esejaya eyaminei oe poani jama pea-aiya.