Obľúbené biblické verše z ROMANOS 11

Zdieľať

Bacue, Eyacuiñajjiya aquianacuana ojjañatii panacapoa jamatii aema'neineiya. Ohuaya ojjañatiicuana eshe pomeecani. Ojjañatii aquianacuana jiquio meshijo nequiani ojayatii epojji. Ojjañacuaa oya cabihuiacapoquiahuatii. Apoa, amén.

Eyacuiñajji queapameneetii popoquiani. Chama'neinei pea oya jama. Ojjaña ojaya ebajeyojeyotii, jamajjeya oya queasapaja'aneetii nequipoquiani. Esejaya ebajeyojji pojjeama ojaya ejjashahuabaquijjicuana. Esejaya ebajeyojji pojjeama pea-ai Eyacuiñajjija echacojjicuana.

Oja esohui etehue jaa jama poani ba'a: “¿Ache dejjaja shai ebajeyonei Emeshimeseneija ejjashahuabaquijjicuana? Achejapishana. ¿Aya shai oya niñesheacani? Ayapishana.

Jjeya pea-ai ma ecua yahuajonei poa jama pea-aiya iyehuiso israelitacuana enequi ojaya epeejjitii poani e'ejojonei. Eyacuiñajjiya ojayanei ejjashahuabaquijjijo oja babacacuana queapame acapoquianitii. Eyacuiñajjiya ojayanei ejjashahuabaquijjijo oja babacacuana nahueca'yonaje oyaneitii queapame ba'yanijo pojjeama. Eyacuiñajjiya oja babaca oyanei queapame ba'yanijo nahueca'yanijjemo o nahue'yojji Eyacuiñajjija ejjashahuabaquijji jayojja pojjeama poquiae. Oya Eyacuiñajji queapameneeyajjejojoya babacacapoa cuana, oyaneitii queapame ba'yanijo pojjeama.

Judiocuana jiquio ecua olivo acui-aanei ejajasejjajea jama poani. Miquianaya judío pojjeamacuana ca pea yaacuana jayojja poani olivo aanei jayojja pojjeama. Miquianaya tiinaje joya ecua acui aanei ebiojo nequica jama. Olivo aaneija ejjocojo jjeya miquianaya nequi'yani. Jamajjeya miquianaya eshe poani oja olivoja esajjaneijo, oja aanei jama pea-ai tii'yani. Jiquio esohui jama poanijje ba'a: Yahuajo miquianaya Eyacuiñajjija pojjeama poa. Jjeya ca quiana ca ojaya po'yani. Eyacuiñajjiya quiana queapame acanaje joya ecua judiocuananei jama pea-ai. Ohuaya quiana iyaacanaje oja epeejji epopea-aijji. Jamajjeya judiocuana ma ecua olivo aaneicuana ejajasejjajea jaa jama pea-aiya poani. Miquianaya ca ma ecua pea acui aacuana ebiojo nequi jama, oja aanei pojjeama. Jamajjeya miquianaya judío pojjeamacuana, ¡a'a judiocuananei sapo-ajja pojji! Eyacuiñajjiya judiocuana cajaa acapoa so'o. Jjashahuabaquicue quiana acui-aacuanajo oyaneitii pojjeama eshe poani. Esajjaa caca oja aacuana tiimeecani, eshe pomeecani. Jama poaniya quiana oe jjabaquicue.