Obľúbené biblické verše z Ŋirom. 5

Zdieľať

Nai ikitoodik Akuj iwon etyae ŋolo ikiminar iŋes iwon, anerae abu Kristo totwan aŋuna yok eriŋa iwon ikirae ŋikasecak.

Nyikitakadanakini iwon akigeno na, anerae elelebik Akuj amina keŋ lotai yok aneni ke Etau a ŋolo Asegan, a ŋolo erae ainakinet ŋina ka Akuj neni yok.

Meere a ŋun bon, ikilelyani daŋ alocan yok, anerae ikiyeni iwon atemar ŋican ikes ikiinakinete iwon atitinyu. Ani kikititiny iwon, ikidaŋidaŋakini, ido ikiinak akidaŋidaŋ akigeno.

Aŋuna tokona ikicamunere iwon alokiŋaren Akuj ikirae ŋulu ikiyookino ananupit yok, ikiyakar iwon ekisil kaapei ka Akuj alotooma Ekapolon yok Yesu Kristo. Aŋuna a Yesu Kristo, ikiyakar iwon apedor ŋinamoret ajokis na ŋina ka Akuj ka ikilelyani daŋ, anerae ikigeno atemar ikiruki moi ka Akuj anapolou keŋ.

Anerae ani eriŋa iwon ikipalag aŋuna ikipukator asecit iwon, abu Kristo totwan aŋuna yok a ŋikasecak apaki ŋina aseunit Akuj.

Aŋuna ka atwanare keŋ, adaun acamun iwon ikirae ŋulu ikiyookino alokiŋaren Akuj. Ani kikote nen, kire jik ikiuni Kristo iwon ananyunyura a ŋina ka Akuj.

Anerae ikwaŋina aponere kituruworere ŋituŋa ŋulu alalak ŋikasecak aŋuna aŋeryo ipeituŋanan akiwuap ŋakiro ŋuna ka Akuj, ikwaŋinapei, ituruworyo ŋikalalak ŋulu iyookino alokiŋaren Akuj, aŋuna ewuapya ipeituŋanan ŋakiro ŋuna ka Akuj.

Meere a ŋun bon, nai ikilelyani daŋ alotooma Akuj aŋuna a Yesu Kristo a ŋolo ikituruwo iwon ŋikonei ŋulu ka Akuj.