Obľúbené biblické verše z Ŋirom. 3

Zdieľať

anerae aseca daadaŋ ka aŋopiki epite ŋolo eryamuniata apolou ŋina anakuj ŋina etemokino toryamut. Nai anajokis keŋ abu Akuj tolimo atemar iyookino ikes alokiŋaren keŋ aŋuna a Yesu Kristo a ŋolo elakununui ikes anakipukao a ŋina ka asecit. Erae ŋin ainakinet ŋina nyetacio.

Akiyookino na, ŋina ka Akuj, ebunit alotooma anupit Yesu Kristo, neni a daadaŋ a ŋulu enupito. Emam atyeketait

Abu Akuj kipoto Yesu Kristo, ikotere akeetwanare eruwor ŋina isyoniyere ŋasecisya a ŋituŋa a ŋulu enupete iŋes. Abu Akuj kitiya ŋun, ikotere kitoodiunia atemar iyookino iŋes alope. Koloŋ sek abu Akuj totitinyik ka nyemitak ŋasecisya a ŋituŋa. Nai tokona, emitakinit Akuj ŋasecisya a ŋituŋa. Alopite a lo, itoodiunit iŋes atemar iyookino iŋes alope, nabo elimori Akuj atemar iyookino ŋituŋa daadaŋ alokiŋaren keŋ ŋulu enupito Yesu.

Anerae, emam ituŋanan elimoryo atemar iyookino alokiŋaren Akuj aŋuna iricitor Ŋikisila. Etic a Ŋikisila iŋes akitoodikin ituŋanan atemar esecit iŋes.

ikwaŋinapei igiritere Nakigireta ebe: “Emam ituŋanan iyookino, emam ipei daŋ; emam idio daŋ eyeni ŋuna iyookino kori ŋini iwarit akimorikin ka Akuj. Aŋero ŋituŋa daadaŋ Akuj; aruworosi daadaŋ ŋikoŋinae; emam ŋini itiyae ŋuna ajokak, emam tari ipei daŋ.

Anerae ikinupit ebe elimori Akuj atemar iyookino ituŋanan alokiŋaren keŋ aŋuna enupitor iŋes, meere aŋuna iwuapitor Ŋikisila.

Mam jik! Erubakini Akuj iricit ŋakiikineta keŋ tari kelyokoko ŋituŋa daadaŋ. Ikwapei igiritere Nakigireta ebe, “Apaki ŋina irworikinia iyoŋ Akuj, ileere atemar iyookino iyoŋ; ka iloununui iyoŋ ŋina ikisitakinere.”