Obľúbené biblické verše z Seònd Matìe 24

Zdieľať

E parcechè e’ à abondàd le inicuitàd, si disfredarà le caritàd di un monçh. Cùi po, ch’ al varà perseveràd sin a le fin, chell al sarà salv.

E si prediçharà chest vanzèli dal règno in dutt lu mond, in testemoneànze a dùtis lis naziòns: e alòre vegnarà le fin.

O’ sintarês partànt batàjis, e discòrs di batàjis. Badàit di no spaurìssi. Parcechè bisùgne, che chest sucèdi; ma cà no finìss.

Parcechè saltarà sù pòpul cuìntri pòpul, e règno cuìntri règno, e saràn pestilènzis, e çharestìis, e teremòts cà e là. Ma dùtis chèstis çhòssis e’ son començamènt dai dolòrs.

Cîl e tière passaràn, ma lis mes peràulis no passaràn.

Parcechè un monçh e’ vegnaràn in nom gno, disìnd: Jo soi Crist: e sedusaràn un monçh.

Alòre us butaràn in te’ tribulaziòn, e us faràn murì: e sarês odiàds da dùtis lis naziòns par càuse dal gno nom. E alòre si scandalizaràn un monçh, si tradiràn un l’ àltri, e si odiaràn. E saltaràn fûr un monçh di fals profètis, e sedusaràn un monçh.

E rispuindìnd Jèsu, ur disè: Badàit, che cualchidùn no us sedùsi.

Par chest ànçhe vo’ àltris stàit preparàds: parcechè lu Fi dal om al vignarà a chê òre, che vô no savês.

Vejàit dònçhe, parcechè no savês, a ce òre, ch’ al sarà par vignì lu vuèstri Signòr.

In cuant po a chê dì e a chê òre nissùn le sa, n’ ànçhe ju àgnui dal cîl, ma lu Pàri sol.

Parcechè saltaràn fûr dai fals Crisçh, e dai fals profètis: e faràn grançh miràcui, e prodìgios, in mûd da indùsi in eròr (se si pò dà) ànçhe ju elèts.

Ma còme ai timps di Noè, cussì e’ sarà ànçhe le vignùde dal Fi dal om. Parcechè còme nei dìs denànt dal dilùvi j’ ùmign e’ stèvin mangiànd e bevìnd, sposànd e dand a marìd, fin a chell dì, cu Noè al entrà in tal àrçhe, E no si acuarzèrin finchè nol vignì lu dilùvi a puartà vie duçh: cussì sarà ànçhe le vignùde dal Fi dal om.