Obľúbené biblické verše z Дание́лё 6

Zdieľať

О Дание́лё, хачи, ґалыи́, со сыс подчхиндло дасаво запхэныбэн, гия́ дро пэ́скиро кхэр; э фэнштра, хай, дрэ упратуны шту́ба сыс псирады (отпхэндлы) анги́л Ерусалимо, и ёв трин мо́лы дро дывэ́с бандгякирдя чанга́, и мангдя́пэ пэ́скирэ Дэвлэ́скэ, и бахтякирэлас Лэс, сыр кэрэ́лас ёв дава́ и анги́л дова́.

О Дэвэ́л миро бичхадя́ Пэ́скирэс Янголо́с и загарадя шчэрэнгиро муй, и ёнэ ничи́ на кэрдэ́ ма́нгэ, палдава́ и мэ сом анги́л Лэ́стэ жужо́, и анги́л ту́тэ, кра́лё, мэ на кэравас намиштэс.”

Ма́ндыр дэ́лапэ припхэныбэ́н, соб (кай) дрэ кажно риг мирэ́ кралипнаскири, мануша́ тэ издран и тэ дэн паты́в кэ дар анги́л Даниелёскирэ Дэвлэ́стэ, пал-дова́ со Ёв исын Дэвэ́л джидо́ и ве́чно, о Кралипэ́н Лэ́скиро на пхарадёла, и Лэ́скирэ райканыпнаскиро кралипэ́н – пэ сарэ́ ве́ки. Ёв зракхэ́ла и подэла васт бидатыр, кэрэ́ла знаме́нии (ґертыка́) и ди́вы пэ болыбэ́н, и пэ пхув; Ёв зракхця́ Даниелёс шчэрэнгирэ зорья́тыр.”

Адя́кэ, о кра́ли припхэндя́, и яндлэ́ Даниелёс, и чхурдынэ́ лэс дро шчэрэнгиро рово (хохо́й); пашы́л о кра́ли пхэндя́ Даниелёскэ: “Тыро́ Дэвэ́л, Савэ́скэ ту сан напарундло дына́ри, Ёв тут зракхэ́ла!”