Obľúbené biblické verše z Metiyu 21

Zdieľať

Rrapa barrwa gun-nga burr-guta ny-yenggana Wangarr, gun-gatiya ny-ma barra minyja nginyipa marr ny-balcha.”

Wurra Jesus a-yinanga burrwa, “Gun-guna ngu-weya ana-gorrburrwa gun-burral: Minyja nginyipa marr ny-balcha rrapa gala ny-jeka, nginyipa ny-yirda barra jama ny-ji, wurpa lika ngika minypa ngaypa ngu-wena nula gun-guna gun-jong gun-narda wupa ngardapa. Wurra minypa nginyipa marr ny-balcharra minyja nginyipa ny-yengga nula mun-guna mun-mirk, ‘Garlma! Boy, yerrnyjiya gu-bugula gu-bachirra!’ lika gu-yinardiya barra; Wangarr jama a-ji barra nggula rrapa mun-gata mun-mirk mu-yerrnyjiya barra gu-bugula gu-bachirra.

Aburr-werranga aburr-bona mu-ngoyurra rrapa aburr-werranga aburr-bona gurda jurdach, aburr-gatiya wupa aburr-bulapalawa aburr-gonyjinga aburr-bamuna, “Japurra ngapa a-jirra! An-guna nipa Daybit murna a-wuna arrburrwa! Wangarr barra gun-molamola gu-nega barra nula an-guna nipa ana-jerrmarra! Rrapa waykin aburr-guyinda, birripa an-molamola abu-ngurrja barra Wangarr!”

A-yinanga a-wena burrwa, “Janguny mu-jurra gu-yurra minypa Wangarr a-wena, a-yinanga, ‘Gun-ngaypa bala gubu-ngurrja barra aburr-workiya wurra gama gorlk, aburr-yinda barra, “Gata gu-bala abu-wengganacha aburr-workiya Wangarr.” ’ Gu-yinagata gu-yurra janguny, wurra jarra ana-goyburrpa werra nyibi-nenga nula nyiburr-nirra gun-nigipa bala, ngunyuna gu-galiya yerrcha nyirrbu-gaypurda nyiburr-workiya, jalim nyiburr-nirra burrwa nyiburr-workiya.” A-yinagata Jesus a-wena, nipa burr-yerrnyjinga a-ni.

“Wengga burrwa aburr-gata rrawa Jayan (Zion) aburr-nirra, gu-gatiya burr-yika gu-ngarda yerrcha ny-yengga barra burrwa, ‘Bubi-na: An-gata an-goyburrpa Bunggawa ana-boya ana-gorrburrwa nipa an-dor, minypa dongki ana-jonama a-nirra ana-bamburda, dongki an-delipa an-gata burdak mampa niya jaga jiny-janaja nula.’ ”

Lika Jesus a-wena burrwa, “Wurra janguny mu-jurra gu-yurra ana-goyburrpa gala nyibi-nacharna, ya? Wurra gun-gata minypa gun-maywapa ranginy gu-yinaga gu-yurra, ‘Bala gubu-gupuna jandarra gu-maya, wurra gun-ngardapa jandarra gun-gata birripa aburr-ngoyurra gubi-yerrnyjinga. Wurra gun-narda barrwa Wangarr gu-menga, wana gun-babalapa gugu gu-jirra; jechinuwa gu-nenga gu-nirra rrawa. Gu-gurda ngacha minypa Wangarr jama a-ji, rrapa ngayburrpa ngubi-nacha minypa gun-gata burr-ganyjarr jama a-ji, ngarla!’

“Wurra ngaypa ngu-weya ana-gorrburrwa Wangarr nyirr-gaypa barra gun-gata gun-nga minypa janguny ana-goyburrpa nyibi-rrimanga, wurra nipa burr-wu barra aburr-gata ngacha minypa burrbu-ma barra nula aburr-workiya gu-galiya yerrcha.