Obľúbené biblické verše z Madiu 10

Zdieľať

Wanogali! Galu'eta manimaninidiyao adi egana wolivi sifi hikudayauyauledi. Au vaita sifi wolivi hinafadiya amine omi kaliva koyodiyao hinafadiya ga'iveninisemi. Oloto yadi ota amine, omi kadu wananuwanuwa-hagihagi be vita keke wananuhagani. Kadu bunebune amine wanahuluhuluva-hagihagi be keke tamo hakwadi wanakivekoyoni.

Ada hai kaliva nuwanuwa yawaini tauni unalugolegolena, au yawaini unanuhegena. Tu hai kaliva Iya fa'ikuya kaliva nimadiya yawaini unanuhegena, au yawai-vagahi unanuhagana.

Badi wowomi hinakivekoyona be wana'alika amanadi keke wanamatausedi. Badi wowomi ka'i hinaluve'alikana tu keke adifaiweya alu'aluwami hinakivekoyoni. Bana Yaubada wowomi kadu alu'aluwami abaga koyona againe anafaiweya ginaluve'alikana fa'ina, Bana'e wanamatausena.

Kadu hai tomuliya keke nuwanuwa tavagikuya unanunaudadana kadu Iya fa'ikuya alika unanuhagani, keke afaiweya unamuliyeku.

Ada hai kaliva keke ginamatauta tu yo'o matadiya ginagahe ginagayo, Iya Yesu Keliso yana kaliva, medema fa'ine Iya kadu Kamaku matane lobameya ganagahe ganagayo, Bana'e yaku kaliva. Tu hai kaliva ginamatauta be yo'o matadiya ginavekekeyeku ginagayo, Iya keke Yesu yana kaliva, medema fa'ine Iya kadu Kamaku matane lobameya ganagahe ganagayo, Bana'e keke yaku kaliva.

Au hidedemi wanagahedi kadu to'aulolo wanasiveyawadi, to'alika wanasivemidididi tovedawodawowo wanakiveyamumudi kadu yafune kaliva hiluvaiyedi-ma wanawavidi. Hida faiwala gavele-kawowomi fa'ina, kadu yami veluga wanavele-kawowodi, keke laufata wanavaini.

Ka'i Yaubada manuga mukumukudiyao gi'ita'itave'avidi, au omi kaliva gina'ita'itave'avi-mo'emi, fa'ina keke wanamatauta.

Keke wananuwanuwa vaita gadahobu'ela-yo niwalova babiya gadaseni. Keke niwalova ganaseni fa'ina gada'ela, keke. Au Iya gahobu'ela be venibaina ginalakayemu fa'ina.