MATIEE 'BƆGƲ 1
1
Zezwie -tɩbhatɩbhangwaa nglɩ-ɛ la'a
1Ablaamö -yɛ Davidɩ 'sɔ,
ngëyi -ɛɛ 'mö Zezwi 'Kli 'wlʋ-a,
ɛ 'möö nɩkpa 'kadɩ -bha.
Ɔ -tɩbhatɩbhangwa -mʋabha 'bhuoo nglɩ-ɛ la'a:
2Ablaamö gwalɩ-a Izakö,
Izakö gwalɩ-a Zakɔpö,
Zakɔpö gwalɩ-a Zwida -yɛ ɔ -dagwie 'sɔ.
3Zwida -yɛ Tamalɩ sɔ-ɔ gwalɩ-a Falɛsɩ -yɛ Zala 'sɔ.
Falɛsɩ gwalɩ-a Ɛzlɔmö,
Ɛzlɔmö gwalɩ-a Alamö.
4Alamö gwalɩ-a Aminadabö,
Aminadabö gwalɩ-a Nasɔ,
Nasɔ gwalɩ-a Salɩmɔ.
5Salɩmɔ -yɛ ɔ 'nglɔ Ghlabö sɔ-ɔ gwalɩ-a Bɔzɩ,
Bɔzɩ -yɛ ɔ 'nglɔ Wlutɩ sɔ-ɔ gwalɩ-a Obɛdɩ,
Obɛdɩ gwalɩ-a Izayi,
Izayi gwalɩ-a -benyido'oo dʋdʋnyininyɔ 'kadɔ Davidɩ.
6Davidɩ -yɛ 'nglɔ ɔ -sa-a Wili yawʋ sɔ-ɔ gwalɩ-a Salomɔ.
7Salomɔ gwalɩ-a Ghlobʋamö,
Ghlobʋamö gwalɩ-a Abia,
Abia gwalɩ-a Aza.
8Aza gwalɩ-a Zozafa,
Zozafa gwalɩ-a Zolamö,
Zolamö gwalɩ-a Oziasɩ.
9Oziasɩ gwalɩ-a Zʋatamö,
Zʋatamö gwalɩ-a Akazɩ,
Akazɩ gwalɩ-a Ezekiasɩ.
10Ezekiasɩ gwalɩ-a Manase,
Manase gwalɩ-a Amɔ,
Amɔ gwalɩ-a Zoziasɩ.
11La Zoziasɩ gwalɩnɩ-a Zekoniasɩ -yɛ ɔ -dagwie 'sɔ-ɔ,
-bha wa kwanɩ-a Izlayɛlɩɛ ngëyi -ma Babilɔnɩɛ dʋdʋ -gömö gïyikwla 'mö.
12Wa-a -ma Babilɔnɩ gïyikwla 'mö
'n Zekoniasɩ ji-a Salasiɛlɩ gwalɩ.
'N Salasiɛlɩ ji-a Zolobabɛlɩ gwalɩ.
13Zolobabɛlɩ gwalɩ-a Abiudɩ,
Abiudɩ gwalɩ-a Eliakimö,
Eliakimö gwalɩ-a Azɔlɩ.
14Azɔlɩ gwalɩ-a Sadɔkö,
Sadɔkö gwalɩ-a Akimö,
Akimö gwalɩ-a Eliudɩ.
15Eliudɩ gwalɩ-a Eleazalɩ,
Eleazalɩ gwalɩ-a Mata,
Mata gwalɩ-a Zakɔpö.
16Zakɔpö gwalɩ-a Zezwi 'Klie
-da Malie 'luwli Zozɛfö.
17-Ma ɩ 'mö, tɛnɩ Ablaamö 'wʋ -n 'yɛ Davidɩ 'wʋ nyini-e, -bha ka ngëyie -gɔpö kugbïa -mʋna 'mö. Tɛnɩ Davidɩ 'wʋ -n 'yɛ la wa kwanɩ-a Izlayɛlɩɛ nɩkpa -ma Babilɔnɩɛ dʋdʋ -gömö gïyikwla 'möö de nyini-e, -bha ka ngëyie -gɔpö kugbïa -mʋna 'mö. Tɛnɩ 'yɛ -bha, -n 'yɛ Zezwi 'Klie gwalɩnɩde nyini-e, -bha ka 'yɛ ngëyie -gɔpö kugbïa -mʋna 'mö.
Sa wa gwalɩgwalɩnɩ-a Zezwi 'Kli 'mö
18Sa wa gwalɩgwalɩnɩ-a Zezwi 'Kli 'mö -sɩbha la'a. Ɔ -da Mali, Zozɛfö ɔ -nyɔɔ -wʋ la-a bheyi 'mö, wa'a-a 'mö -bhla yawʋ nyininyininɩ 'n Zuzu 'Wlawlaa 'mötɛnɔ ji-a Mali -gömö ji, 'n ɔ ji-a nɩkplako yɩlɩ. 19-Lagɔwɛlɩɛ -bhazʋnyɔ Zozɛfö glɩnɩ la -bhaa yɛ ɔ jɩblɩnɩ-a sɛ, ɔ'ɔ-ɔ 'jɩbha ɔ 'yɛ Malie 'nglɩ 'ji nyimanɩɛ yɛ, ɔ 'jɩbha ɔ -nyɔɔ 'sɔ 'yɛ la 'wi 'mö 'ji -sɔnʋ. 20Ɔ -wɩɩ dlɩ 'wʋ 'pa 'le, 'n -Lagɔzuzuko -bhlʋ jio-a 'jɩla 'mö 'wʋ ghlanɩ, a nɛ -bha ɔ de naa: “Davidɩɛ 'gu Zozɛfö, -n 'na-a -gunʋ Malie kwakwɛ 'wʋ -nɩ. -Wʋʋ yɛ-a, gu -ɔɔ nɩkplako ɔ -su-o -la, 'ma nɩkplako Zuzu 'Wlawlaa 'mötɛnɔ 'mö ɔ yɩlɩnɩa -bha. 21Nyɩbhɛlʋgu ɔ ji-a gwalɩɛ 'pɔ Zezwi. -Wʋʋ yɛ-a, mɔ-ɔ ji-a ɔ 'bhɩa wa 'jinylolie gbʋ -gömö -saa.” 22-Wʋʋ yɛ ɩ 'plɩ-ɛ -sɩbha, -benyido'o -Lagɔ 'plɩnɩ-a ʋ 'mögbanɩnyɔ Ezayi 'mö -ɩ ʋ gba la-a ɩ 'yɛ 'wʋ 'wlenɩɛ yɛ -bha. 23Sa'a Ezayi gba la-a naa:
“Nglugu -ɔ 'nɩ-a nyɩbhɛlʋ -ji
mɔ-ɔ ji-a nɩkplako yɩlɩɛ ɔ 'yɛ-a nyɩbhɛlʋgu gwalɩ,
'mɔ gu la'a 'n wa 'kɔ-a Emanuwɛlɩ 'pa.
Ɩ zɔmö-ö -yɛ-a naa: -A -yɛ -Lagɔ plɩnɩ.”
24Zozɛfö galɔ-a, -ɩ -Lagɔzuzuko gba la-a 'jɩla 'mö ɔ de, 'n ɔ jiɩ-a nʋ. 'N ɔ ji-a ɔ bheyi Mali ɔjɩ yawʋ nyinianɩ. 25Ɔ -nyɔɔ 'nɩ-ɛ 'wlu yawʋ kwanɩ 'lɩlɩlɩ, 'n Mali ji-a nyɩbhɛlʋgu la'a 'wlu -sa. 'N Zozɛfö jio-a Zezwi 'pa.
දැනට තෝරාගෙන ඇත:
MATIEE 'BƆGƲ 1: BNT96
සළකුණු කරන්න
බෙදාගන්න
පිටපත් කරන්න
ඔබගේ සියලු උපාංග හරහා ඔබගේ සළකුණු කල පද වෙත ප්රවේශ වීමට අවශ්යද? ලියාපදිංචි වී නව ගිණුමක් සාදන්න හෝ ඔබගේ ගිණුමට ඔබගේ ගිණුමට පිවිසෙන්න
Bete New Testament © Bible Society of Côte d'Ivoire 1996