MATIEE 'BƆGƲ -Ɩ -WƲ-Ɔ -MA 'BƆGƲ LA'A 'MÖ
-Ɩ -WƲ-Ɔ -MA 'BƆGƲ LA'A 'MÖ
Nɩkpa -mʋna -wa -sa-a Zezwie 'tɩtɩɛ -tɩtɩ, wa gla'aa -bhlʋ -yɛ-a Matie. 'Tɩtɩɛ -tɩtɩ -ɩ Matie -sa-a, -ma ɩ 'mö sa Zezwi glɩnɩ Puanyɔ -ɔ ji la-a jie, -ɔɔ 'mö -Lagɔ nʋnʋ-a -ɩ 'bhuo ʋ nʋ la-a ʋ ji ʋ -zakpa 'nyɛɛ -ma -ghöbhanɔ -sakasʋ 'mö, ɩ gbʋ ɔ gba -bha. 'Mɩ 'tɩtɩɛ -tɩtɩ, ɩ'ɩ -lɛ-a 'mö 'zwiföaa 'nyizee -li, 'pɩnɩkpa 'bhuoo -li -bha.
'Mʋ 'bɔgʋ 'möö wɛlɩ, 'jinanɩswɩ'ɩ ɩ 'palɩɔ-a -dɔlʋ. Zezwie gwalɩgwalɩɛ 'wʋ ɔ tɛnɩ -bha, sa wa badizebadizenɩɔ-a 'mö, sa 'jinylozuzuko 'pɔ -ma, libho ɔ nʋ-ɔ -ma Galilee dʋdʋ -gömö, ɔ nglipapɩɛ -yɛ ɔ guzungwaa göpögöpɩɛ 'sɔ, 'n ɔ ji-a ɩ gbʋ gba. 'Bhë Zezwi 'bhö-ö -ma Galile ɔ -wʋ-a Zelwizalɛmö mö 'le 'yuogblʋ ɔ bhli-a, -bha ʋ 'wʋ -ɩ ɔ nʋ-a, 'n ɔ jiɩ-a -sa. 'Wʋbhlonʋpɛlʋwlu -ʋ Zezwi -sa-a ma'a dʋdʋkpata'a 'möö -li, 'n ɔ jiɩ-a 'wʋ 'bhlonʋ.
'Mɩ 'tɩtɩɛ -tɩtɩ, Zezwi ɩ tulua-a naa mɔ-ɔ -yɛ-a 'Bhitɩbha 'kadɔ -ɔ wa nʋ -ɔ -sa-a -Lagɔɔ gbö zɔmö, -ɔ 'pa nɩkpa -Lagɔɔ nyininyinipɩɛ wɛlɩ ngli.
Zezwie ngliwɛlɩɛ -bɛ, 'kïbhï -ngbï 'mö wa 'slonʋɩ-a 'wʋ.
Zezwie ngliwɛlɩ
a) -Ma -gɔgɔgbʋ 'klʋ -ɩ ɔ 'pa-a ngli -ɩ gba-a -Lagɔɔ nyininyinipɩɛ 'möplagbʋ 5-7
b) Ɔ -wʋ-a ɔ tiatiangwa kugbïa 'sɔ tia ji 'le, 'dɩmözʋwɛlɩ ɔ 'nyʋa-a 10
c) -Lagɔɔ nyininyinipɩɛ -gömöö 'nini 13
d) -Lagɔguo glɩnɩglɩnɩɛ wɛlɩ 18
e) Pɩ la'aa sɛyɩlagbʋ -yɛ -Lagɔɔ nyininyinipɩɛ sɛjigbʋ 'sɔ 24-25
Sa ɩ 'palɩɔ-a -dɔlʋ
1) Zezwi 'Klie ngëyi -yɛ ɔ gwalɩgwalɩɛ 'sɔ 1:1–2:23
2) Za Badizɩɛ -Lagɔlibho 3:1-12
3) Zezwi 'Klie badizebadize -yɛ ɔ -mapapɩɛ 'sɔ 3:13–4:11
4) Zezwie -Lagɔlibho ɔ nʋ-ɔ -ma Galile 4:12–18:35
5) Zezwi 'bhö-ö -ma Galile ɔ mö-ö -ma Zelwizalɛmö 19:1–20:34
6) 'Wʋbhlonʋpɛlʋwlu Zezwi -sa-a -ma Zelwizalɛmöö 'gbë yawʋ 21:1–27:66
7) Zezwi 'wlʋ-a glu 'n ɔ ji-a ɔjɩ ɔ 'wʋbhlinɩngwa 'ji tuluanɩ 28:1-20
2
Matie 'bɔgʋ la'a -ɔ -kʋʋ zɛlɩ, -ɩ Zezwi nʋ-a, -ɩ ɔ 'pa-a 'ngli ɔ jiɩ jɩblɩnɩ 'sɩkösɩkö.
දැනට තෝරාගෙන ඇත:
MATIEE 'BƆGƲ -Ɩ -WƲ-Ɔ -MA 'BƆGƲ LA'A 'MÖ: BNT96
සළකුණු කරන්න
බෙදාගන්න
පිටපත් කරන්න
ඔබගේ සියලු උපාංග හරහා ඔබගේ සළකුණු කල පද වෙත ප්රවේශ වීමට අවශ්යද? ලියාපදිංචි වී නව ගිණුමක් සාදන්න හෝ ඔබගේ ගිණුමට ඔබගේ ගිණුමට පිවිසෙන්න
Bete New Testament © Bible Society of Côte d'Ivoire 1996