ගීතාවලිය 119වෙතින් ජනප්‍රිය බයිබල් පද

බෙදාගන්න

ඔබගේ වචනය මගේ දෙපයට පහනකි; මගේ මාවතට එළියකි.

ඔබට එරෙහිව පව් නො කරන පිණිස, ඔබගේ වචන මා හදවතේ ගබඩා කර ගතිමි.

යෞවනයකුට තම ජීවිත මාර්ගය පවිත්‍ර ව තබා ගත හැක්කේ කෙසේ ද? ඔබගේ වචනයට අනුකූලව පැවැත්මෙනි.

උන්වහන්සේගේ පනත් රක්ෂා කරන්නෝ, තමන්ගේ මුළු හදින් උන්වහන්සේ සොයන්නෝ භාග්‍යවත් ය

මගේ සැඟවුම් පොළ හා මගේ පලිහ ද ඔබ ම ය; ඔබගේ වචනය තුළ මම බලාපොරොත්තුව තබමි.

අවබෝධය දුන මැනව මට; ඔබගේ ව්‍යවස්ථාව පිළිපැදීමට හා මගේ මුළු හදින් එය රක්ෂා කරන පිණිස.

පෞද්ගලික වාසිය දෙසට නො ව, ඔබේ පනත් වෙත මගේ හදවත නැමුව මැනව.

ඔබගේ නියෝග ඉගෙන ගන්නා පිණිස, පීඩා විඳීම මට හොඳ ය.

ඔබගේ පොරොන්දුව මට ජීවනය ගෙන දෙයි: මගේ වේදනාවේදී මගේ සැනසිල්ල ද එයයි.

ඔබගේ ආඥා මාවතේ මට මගපෙන්වුව මැනව; මන්ද ඒ තුළ මම ප්‍රමෝද වන්නෙමි.

උගන්වන්න මට ඔබගේ නියෝග පිළිපැදීමට, අහෝ ස්වාමින්වහන්ස; අවසානය දක්වා මම ඒවා රක්ෂා කරන්නෙමි.

මගේ ජීවය ශෝකයෙන් දියවී යයි; සවිමත් කළ මැනව මා, ඔබගේ වචනය ලෙස.

ඔබගේ ව්‍යවස්ථාවට මම කෙතරම් ප්‍රේම කරම් ද! දවස මුළුල්ලේ මගේ භාවනාව එයයි.