Lioka 23
23
1Tamin’izay dia nitsangana izy rehetra ka nitondra an’i Jesoa tany amin’i Pilaty,
I Jesoa eo anatrehan’i Pilaty
(Jereo Mt 27,11-14; Mk 15,2-5; Jn 18,29-38)
2Ary ry zareo niampanga Azy toy izao: «Azonay nampiodina ny firenenay Ilay io, sy nandrara tsy handoa hetra ho an’i Sezara, ary nilaza ny Tenany ho Kristy mpanjaka.» 3Dia nanontany Azy i Pilaty nanao hoe: «Moa mpanjakan’ny Jody va Ianao?» ka novaliany hoe: «Voalazanao.» 4Ary hoy i Pilaty tamin’ny lohandohan’ny mpisorona sy ny vahoaka: «Tsy hitako izay mahameloka io Lehilahy io.» 5Fa vao mainka nanao letrezana izy ireo nanao hoe: «Mampiodina ny vahoaka Izy, aeliny eran’i Jodea manontolo ny fampianarany, dia hatrany Galilea izay nanombohany ka hatraty.» 6Nony nandre ny teny hoe Galilea i Pilaty, dia nanontany raha olona avy any Galilea Izy, 7ka nony fantany fa hoe avy any amin’ny tany fehezin’i Herôda Izy, dia nampanateriny tany amin’i Herôda, izay tao Jerosalema koa tamin’izany andro izany.
I Jesoa eo anatrehan’i Herôda
8Faly dia faly i Herôda nony nahita an’i Jesoa, fa ela no naniriany hahita Azy, noho ny fandrenesany Azy efa maresaka erỳ, sady nanantena izy fa hahita Azy hanao fahagagana. 9Nanao fanontaniana maro taminy izy, fa tsy namaly na inona na inona kosa i Jesoa. 10Eo izany ny lohandohan’ny mpisorona sy ny mpanora-dalàna efa nikiribiby erỳ miampanga Azy. 11Dia notebahin’i Herôda sy ny miaramilany Izy, ka nony efa nampiakanjoiny akanjo fotsy#23,11 Akanjo fotsy. Fotsy manjopiaka toy ny fitondran’ny mpanjaka raha misy fomba lehibe; fanesoana Azy izany, noho Izy nanao ny Tenany ho mpanjaka, hono. sy nolalaoviny, dia naveriny tany amin’i Pilaty indray. 12Tamin’izay andro izay dia tonga nisakaiza terỳ i Herôda sy i Pilaty, ilay efa nifandrafy teo iny.
I Jesoa averina eo anatrehan’i Pilaty
(Jereo Mt 27,15-26; Mk 15,6-15; Jn 18,38–19,16)
13Nasain’i Pilaty novorina ny lohandohan’ny mpisorona sy ny mpifehy ary ny vahoaka, 14dia nilazany hoe: «Nentinareo tatỳ io Lehilahy io, fa hoe mandrendri-bahoaka hikomy, ary efa nanadina Azy teo anatrehanareo aho, nefa tsy hitako velively izay helony amin’izay iampanganareo Azy. 15Tahaka izany koa i Herôda, fa namerina Azy ho atỳ amintsika Izy; ary indro tsy misy na inona na inona tokony hanamelohana Azy ho faty. 16Koa hofaiziko Izy, dia halefako.» 17Fa tsy maintsy mandefa mpifatotra iray ho an’ny vahoaka rahateo izy amin’ny andro fety. 18Kanjo indray niredona ny vahoaka niantso hoe: «Vonoy io, fa i Barabasy alefaso ho anay.» 19I Barabasy anefa dia natao an-tranomaizina, satria sendra nisy fikomiana tao an-tanàna, ka namono olona izy.
20Dia mbola niteny ihany i Pilaty, fa te handefa an’i Jesoa; 21nefa niantso mafy ny vahoaka nanao hoe: «Fantsiho! fantsiho amin’ny Hazofijaliana Izy!» 22Fa niteny tamin’izy ireo fanintelony indray i Pilaty nanao hoe: «Inona àry no ratsy nataony? Tsy hitako izay heloka tokony hahafaty Azy; ka hofaiziko Izy, dia halefako.» 23Nefa nikiry izy ireo niantso mafy nangataka Azy hofantsihana amin’ny Hazofijaliana, ka nitombo nitombo ihany ny horakoraka. 24Dia nasain’i Pilaty hatao izay nangatahiny; 25ilay notadiaviny ho afaka sy natao an-tranomaizina noho ny fikomiana sy vonoana olona moa nalefany, ary i Jesoa kosa natolony hanaovany izay sitrapony.
Eny an-dalana mankany amin’ny Kalvery
(Jereo Mt 27,32-34; Mk 15,20-23; Jn 19,17)
26Ary raha nitondra Azy izy ireo, dia nisy lehilahy Sireneanina anankiray avy any an-tsaha atao hoe Simôna notanany, dia nampitondrainy#23,26 Nampitondrainy. Izy irery, fa tsy niara-nilanja izy sy i Jesoa. ny Hazofijaliana nanaraka an’i Jesoa. 27Nisy vahoaka betsaka nanaraka Azy sy vehivavy koa izay nandòn-tratra nitomany Azy. 28Fa nitodika azy ireo i Jesoa ka nanao hoe: «Ry zanaka vavin’i Jerosalema, aza mitomany Ahy foana, fa ny tenanareo sy ny zanakareo no itomanio, 29fa indro ho avy ny andro#23,29 Ho avy ny andro. Dia ny hanaovana fahirano an’i Jerosalema. hanaovana hoe: ‹Sambatra ny momba sy ny kibo izay tsy niteraka ary ny nono izay tsy ninonoana.› 30Amin’izay ny olona vao hilaza amin’ny tendrombohitra hoe: ‹Mianjerà aminay› sy amin’ny havoana hoe: Saròny izahay; 31fa raha toy izany no ataony amin’ny hazo lena, hatao ahoana amin’ny maina?»
32Ary nisy olon-dratsy roa lahy koa nentin’ny miaramila, hiara-kovonoina amin’i Jesoa.
Famantsihana amin’ny Hazofijaliana
(Jereo Mt 27,35-38; Mk 15,24-28; Jn 19,17-24)
33Nony tonga tany amin’ny fitoerana atao hoe Kalvery izy ireo, dia nofantsihany tamin’ny Hazofijaliana Izy, sy ireo mpangalatra ireo, ny iray moa teo ankavanany ary ny iray kosa teo ankaviany. 34Dia hoy i Jesoa: «Raiko, avelao ny helony, fa tsy fantany izay ataony.» Ary nanaovan’izy ireo loka no fizara ny fitafiany.
I Jesoa eo amin’ny Hazofijaliana esoina sy tevatevaina
(Jereo Mt 27,39-43; Mk 15,29-32)
35Ny vahoaka nijanona nijery teo, ary ny loholona avy no nandatsa Azy nanao hoe: «Namonjy ny sasany Izy ka aoka hamonjy ny Tenany, raha Izy no Kristin’Andriamanitra, Ilay voafidy.» 36Ny miaramila koa naneso Azy ka nanatona nanolotra vinaingitra Azy, 37ary nanao hoe: «Raha Ianao no Mpanjakan’ny Jody, vonjeo ny Tenanao.»
38Teo ambonin’ny lohany koa dia nisy soratra tamin’ny teny grika sy latinina ary hebrio nanao hoe: ITY NO MPANJAKAN’NY JODY.
Ilay jiolahy nivalo
39Ary ny anankiray tamin’ireo mpangalatra izay nihantona teo dia nanevateva Azy nanao hoe: «Raha Ianao no Kristy, vonjeo ny Tenanao sy izahay.» 40Fa nanarin’ilay anankiray izy, nataony hoe: «Ialahy koa ve tsy matahotra an’Andriamanitra, saingy hoe samy voaheloka ho faty izao? 41Ny antsika dia rariny izao, satria mandray ny valin’ny ratsy nataontsika isika; fa ny Azy kosa tsy mba nanao ratsy na inona na inona Izy.» 42Dia hoy izy tamin’i Jesoa: «Tompoko, tsarovy aho rehefa mby any amin’ny fanjakanao Ianao.» 43Ka hoy ny navalin’i Jesoa azy: «Lazaiko marina aminao fa anio dia hihaona amiko any am-paradisa ianao#23,43 Any am-paradisa. Any amin’ny Limby, izay toa paradisa mihitsy rahefa nidina tany ny Tompo..»
Ny nahafatesan’i Jesoa
(Jereo Mt 27,45-50; Mk 15,33-37; Jn 19,25-30)
44Ary rehefa tokony ho tamin’ny ora fahenina, dia rakotra haizina ny tany rehetra ka naharitra hatramin’ny ora fahasivy izany, 45fa nihamaizina ny masoandro; ary rovitra nisasaka roa ny efitra lamba tao amin’ny Tempoly. 46Ary niantso tamin’ny feo mahery i Jesoa nanao hoe: «Raiko! apetrako ao an-tananao ny fanahiko.» Nony voalazany izany, dia niala aina Izy.
Taorian’ny nahafatesan’i Jesoa
(Jereo Mt 27,51-56; Mk 15,38-41; Jn 19,31-37)
47Rehefa nahita ny zava-niseho teo ny kapiteny, dia nankalaza an’Andriamanitra ka nanao hoe: «Tena olo-marina tokoa io Lehilahy io.» 48Ny vahoaka rehetra vory teo mba hijery koa, nony nandinika ny zava-niseho, dia lasa niverina nandondòna ny tratrany. 49Fa ny olom-pantatr’i Jesoa rehetra kosa dia nijoro teny lavidavitra omban’ireo vehivavy nanaraka Azy avy tany Galilea, ka samy nijery izany.
Ny nandevenana an’i Jesoa
(Jereo Mt 27,57-61; Mk 15,42-47; Jn 19,38-42)
50Ary nisy lehilahy tsara fanahy sady marina anankiray atao hoe Josefa izay anisan’ny Sanedrìna; 51tsy mba nisy neken’izy io na ny hevi-dratsin’ny sasany na ny nataon’izy ireo; avy any Arimatia tanànan’i Jodea izy, ary mba nanantena ny fanjakan’Andriamanitra koa. 52Nanatona an’i Pilaty izy, ka nangataka ny vatan’i Jesoa. 53Dia nampidininy ny faty ka nofonosiny lamba, ary naleviny tao anatin’ny fasana anankiray nolavahana tamin’ny vato, sy tsy mbola nandevenana olona. 54Andro fiomanana#23,54 Andro fiomanana. Zoma, fiomanana amin’ny fety lehibe ny ampitso, izay niantomboka tamin’ny harivan’ny zoma. tamin’izay andro izay, sady efa hiantomboka ny sabata. 55Ary ny vehivavy nanaraka an’i Jesoa avy tany Galilea dia niaraka tamin’i Josefa koa, ka nijery ny tao am-pasana sy izay fomba hametrahana ny vatan’i Jesoa. 56Rehefa niverina avy any izy ireo, dia namboatra zava-manitra#23,56 Namboatra zava-manitra. Androtr’io ihany; araka ny ao amin’i Mk 16,1, mbola nividy koa izy ny harivan’ny sabotsy, na angamba hafa ireo, fa maro ireo vehivavy ka nety nizara antoko maro koa. sy menaka manitra; fa nony sabata ny andro vao nitsahatra araka ny Lalàna izy.
Выбрано:
Lioka 23: MBC
Выделить
Поделиться
Копировать
Хотите, чтобы то, что вы выделили, сохранялось на всех ваших устройствах? Зарегистрируйтесь или авторизуйтесь
Baiboly Katolika © La Société Biblique Malgache, 2003.