Matayo 8
8
1 #
Mk 1:40-44; Luk 5:12-14. Kedoku Yesu koroŋat, kotuput ikodeta luipu. 2Ido koany, kobu etuŋanan lokatapon mama ejai, koma ŋes, kobala ebe, “Ejakait, arai ikoto, ipedori aiswagar eoŋ.” 3Korio Yesu akekan, kotiro ŋes, kotema atiar, “Akoto; kiswagar.” Atipet kiswagar aketapon. 4#Leb 13:49; 14:1-32; Mat 9:30; Mk 7:36; Luk 17:14. Kolimok Yesu ŋes ebe, “Kocoite, sirikilimok idiotuŋanan; konye kolot, kitodiar mama ejai esasedoti, koinak ainakinet nakolo kicorakini Musa, araun aitejenunet kamakec.”
5 #
Luk 7:1-10. Kosodi nakelomaria Kaparanaum, kobu ekapolokiton erioŋet mamakeŋ, kiŋaiŋa, #Yok 4:47. 6kotema atiar, “Ejakait, eperi ekatelepat kotogo edeka eseny, erieba noi jokan.” 7Kotema ŋes atiar, “Abuni aitaŋaleun.” 8Koboŋok ekapolokiton kobala ebe, “Ejakait, mam eoŋ kebusakinit jo alomun kwap kekaswi; konye kolim akirot bon, eŋaleuni ekatelepat. 9Naarai eoŋ da arai etuŋanan lokayaitai, ejaas iserikalei luayait eoŋ: ido alimokini ediopet ebe, ‘Kolot,’ elosi; ece da ebe, ‘Bia,’ ebuni; ekabulesit da ebe, ‘Kiswama na,’ ido iswamai.” 10#Mat 15:28. Nakiiraria Yesu ŋun, koumok, kotema kwi luketupito atiar, “Abeit katemari yes atiar, Mam lem adumunit aiyuun naepol naetia na, karaida toma Isirael kere, 11#Luk 13:29; Isa 49:12; 59:19; Mal 1:11; Sab 107:3. Katemari yes atiar, Epote rwaru luipu anyoun kokide koto da, kiboikinos kesi nepepe ka Aburaam, ka Isaak, ka Yakob, toma ajakanut naka akuj. 12#Mat 22:13; 24:51; 25:30; Luk 13:28. Konye idwe luka ajakanut ecakario toma amuton nakokiŋa: ejaun kaŋina aimony ka airiamanakin ikel.” 13#Mat 9:29; 15:28. Kotema Yesu ekapolokiton atiar, “Kolot, kwape ejaar akoniiyuun, kojau kwape kwaŋin.” Koŋaleu etelepat kosawa kaŋol.
14 #
Mk 1:29-34; Luk 4:38-41. Nakelomaria Yesu togo loka Petero, koany amuranike eperi edeka ekamidi. #1 Kor 9:5. 15Kotiro akekan, koŋaleu ekamidi; konyou kijaanak ŋes. 16Nakitiboŋ, koinunai lukajokin luipu: kireŋea ajokin kakekirot, kitaŋaleu lukadekak kere, 17#Isa 53:4. Tetere itololikinio akirot naenerit Isaia enabi ebe, “Kolema ŋesi elopet awokokalanyanut, kibwok adekesiawok.”
18 #
Mk 4:35; Luk 8:22. Kosodi keanyu Yesu atukon nuipu irimorito ŋes, kicorak aikwaŋar juwai. 19#Luk 9:57-60. Kobu ekewadikan ediopet mama ejai, kotema ŋes atiar, “Ekesisianakinan, katupenenei jo kama ilosi kere.” 20#2 Kor 8:9. Kotema Yesu ŋes atiar, “Ejaas ikuwei apanya, akweny da nuka apak ejaas akaisikec; konye Okoku loka etuŋanan emamei nama iperikini akekou.” 21#1 Ika 19:20. Kotema ece kokesisiak ŋes atiar, “Ejakait, kisiikinai ber kalot keda papaka.” 22#Yok 1:43; 5:25; Rom 6:13. Konye kotema Yesu ŋes atiar, “Kotupunai; kinye lukatwak kidaata lukatwakakec.”
23 #
Mk 4:36-41; Luk 8:23-25. Nakedokaria ataker, kotupasi ikekesisiak. #Sab 4:8. 24Ido koany, kodakun ekwam loepol kaŋolol, korapasi akailan ataker: konye kejotoi ŋesi. 25Koloto ikekesisiak mama ejai kitwekenyut, kobalas ebe, “Ejakait, kitajarai; kimudiar.” 26#Mat 14:31; 16:8. Kotema kes atiar, “Kanukinyo ikuriakarotor, yes luedit aiyuun?” Kosodi konyou, kiretak ikwamin ka aŋolol; kojaun aiyamakin cut, 27Koumokis ituŋa, kobalas ebe, “Ikoni bo ai etuŋanan lo? Naarai ikwamin ka aŋolol da erimasi ŋes.”
28 #
Mk 5:1-17; Luk 8:26-37. Nakedolio ŋesi okekwa juwai toma akwap naka Igadarenin, kiriamunos kituŋa iarei lukajokin, lukepote katesin, lukededeŋ noi, komamei ituŋanan yenikepedori aitor korot kaŋol, 29#Luk 4:41; 2 Pet 2:4. Ido koany, kiworoto, kobalas ebe, “Ijo Okoku loka Edeke, anyoika ijo kasio? Ibu kereka ijo aitican sio eroko apakikosi kedolo?” 30Ido kojai esipan loka ipegei luipu edakasi kama elwana. 31Kiŋaiŋaata ajokin ŋes kobalas ebe, “Arai kiireŋea sio, kijukarai kalomasi osipan je loka ipegei.” 32Kotema kes atiar, “Kolototo.” Kolomutu kolomasi toma opegei; ido koany, komotar esipan kere nejululuei kibirokinos aŋolol, kotwakikis akipi. 33Kokerata ikecokok, kolomasi ore, kolimonokis akiro kere, ka nukedoikinete kwi Iukajokin. 34Ido koany, kolomut lukore kere airiamun ka Yesu: nakeanyut, kiŋaiŋaata ŋes anyoun koikorunokec.
Выбрано:
Matayo 8: AOV1961
Выделить
Поделиться
Копировать
Хотите, чтобы то, что вы выделили, сохранялось на всех ваших устройствах? Зарегистрируйтесь или авторизуйтесь
Ateso Old Version Bible © United Bible Societies, 1961.