1-Ягья 1
1
Уьмуьр бахшзавай Гаф
1Ингье, чна малумарзава: Ам эвелдай Авайди тир ва чаз Адан ван атанай, чаз Ам вилералди акунай, Ам чна вилералди ва гъилералди гьисснай – чна Уьмуьрдин Гафуникай гьа икӀ малумарзава. 2Уьмуьр пайда хьана, чаз ам акуна ва и кардин гьакъиндай чна шагьидвал ийизва. Эвелдай Бубадихъ авай ва гуьгъуьнай чахъни пайда хьайи эбеди уьмуьрдикай чна квез малумарзава. 3Куьнни чахъ галаз уртах хьурай лугьуз, чна чаз акурбурукай ва ван хьайибурукай квезни хабар гузва. Бубадихъни адан Хва Иса Месигьдихъ галаз чун уртахар я. 4Чна и крарикай чи шадвал тамамди хьурай лугьуз кхьизва.
Нурдик кваз физвай уьмуьр
5Иса Месигьдивай чаз ван хьайи ва гила чна квез малумарзавай хабар ихьтинди я: Аллагь нур я ва Адахъ са зеррени зулумат авач. 6Чун, «Аллагьдихъ галаз чи уртахвал ава» лугьуз, мичӀера къекъвезватӀа, акӀ малум жезва хьи, чна тапарарзава ва гьакъикъатдал амал ийизвач. 7Чунни, Ам нурдик кваз къекъвезвай саягъда нурдик къекъвезватӀа, чи арада уртахвал ава ва Адан Хва Исадин Ивиди чун гьар са гунагьдикай михьзава. 8Чна чун гунагь квачирбур тирди малумарзаватӀа, чна чун алцурарзава ва чахъ гьакъикъат авач. 9Амма чна чи гунагьар хиве кьазватӀа, Аллагьдихъ вафа ва гьахъ-михьивал авайвиляй, Ада чи гунагьрилай гъил къахчуда ва чун гьар са нагьахъвиликай михьда. 10Чна чун гунагькарар тушиз гьисабзаватӀа, а чӀавуз чун адан фикирриз акси экъечӀзава, чна Ам тапрукьдай кьазва ва чахъ Адан Гаф авач.
Выбрано:
1-Ягья 1: ЛезПК
Выделить
Поделиться
Копировать
Хотите, чтобы то, что вы выделили, сохранялось на всех ваших устройствах? Зарегистрируйтесь или авторизуйтесь
© Институт перевода Библии, 2010-2024